Polısııa qyzmetkerleri buryn sottalǵan adamdardy qaqqanymen eshteńe taba almaǵan. Biraq jýyrda sonyń biriniń úıine qaıta barǵan tergeýshi kózden qaǵas jerde qorabymen turǵan shulyqtardy kórip qalady. Naq osyndaı zattar urlanǵandardyń arasynda tirkelgen bolatyn. Jedel-izdeý sharalarynyń arqasynda kúdikti de ustalyp, onyń ústinen qylmysty is qozǵaldy. Onyń úıin jiti tintý barysynda basqa da urlanǵan zattar tabylyp, aıǵaqtar kúdiktini bultartpady. 1971 jyly týǵan kúdikti qamaýǵa alynyp, óziniń qylmysqa qatystylyǵyn moıyndaǵan.
Aýdandyq PB bastyǵy, maıor Rýslan Muhambetjanovtyń aıtýyna qaraǵanda «kóptegen dúken ıeleri saqtyq sharalaryna salaq qaraıdy. Beınejazba quraldary men kúzet túgili dabyl qoıýdy da bilmeıdi. Sonyń kesirinen sýyq qoldy adamdar dúkenge túskish», deıdi ol.
Jyl basynan beri Soltústikqazaqstandyq polıseıler osyndaı buryn jasalǵan 751 qylmysty ashty. Bulardyń bári iz sýytpaı ashylmaǵandar. Sonyń ishinde 242 qylmys burynǵy jyldary jasalǵandar.
