"Bir aıda Almatyda koronavırýspen syrqattanýdyń kún saıynǵy ósimi 4,2%-dan 1,4%-ǵa deıin tómendedi. Aýrýdyń ósý kezeńinde 1 adamnan 4 adamǵa deıin juqtyrýy múmkindigi baıqaldy. Búgingi tańda bul kórsetkish 0,9%-ǵa deıin tómendedi. Bul aýrýdyń jáne indet juqtyrýshylardyń azaıǵandyǵyn kórsetedi", dep atap ótti Almaty qalasy boıynsha Taýarlar men qyzmetterdiń sapasy men qaýipsizdigin baqylaý departamentiniń basshysy, qalanyń Bas memlekettik sanıtarlyq dárigeri Jandarbek Bekshın.
7 tamyzdaǵy jaǵdaı boıynsha Almaty qalasy boıynsha koronavırýstyq ınfeksııanyń 12 997 jaǵdaıy tirkeldi, onyń ishinde 7 897 rastalǵan sımptomatıkalyq jáne 5 110 asımptomatıkalyq jaǵdaı.
Almaty qalasy TQBD aqparaty boıynsha, jas quramy boıynsha syrqattanýshylyq negizinen 20-29 jastaǵy adamdar arasynda - 21,0%, 30-39 jastaǵy adamdar arasynda - 20,6%, 40-49 jastaǵy adamdar arasynda - 17,9%, 50-59 jastaǵy adamdar arasynda - 18,5%, sondaı-aq 60 jáne egde tartqan jastaǵy adamdar arasynda 17,7%-dy quraıdy. Jandarbek Bekshın pandemııaǵa qarsy turý jáne jańa tolqynǵa daıyndyq úshin jumys júıesi kúsheıtilgenin atap ótti.
