Rýhanııat • 08 Tamyz, 2020

"Abai world challenge" atty Abaı óleńderin oqýdan halyqaralyq chellendj bastalady

954 ret

kórsetildi

1 mın

oqý úshin

10 tamyzda saǵat 15.00-de "Abai world challenge" atty Abaı óleńderin álem tilderinde oqýdan halyqaralyq chellendj bastalady. Bul týraly Mádenıet jáne sport mınıstrligine silteme jasaı otyryp Egemen.kz habarlaıdy.

Aıym DÁÝIT

"Abai world challenge" atty Abaı óleńderin oqýdan halyqaralyq chellendj bastalady

Qazaqstan Respýblıkasynyń Prezıdenti Qasym-Jomart Kemeluly Toqaevtyń tapsyrmasyna sáıkes, QR Mádenıet jáne sport mınıstrligi uly aqyn, aǵartýshy, fılosof Abaı Qunanbaıulynyń 175 jyldyq mereıtoıyna baılanysty uıymdastyrylatyn is-sharalardy onlaın formatqa kóshirý tapsyrylǵan bolatyn.

Osyǵan oraı aqynnyń óleńderi álemniń (fransýz, aǵylshyn, arab, ıspan, qytaı, japon, nemis, ıtalıan) birneshe tiline aýdaryldy.

Is-sharaǵa álemniń túrli elderinen Abaı shyǵarmashylyǵyn zertteýshi ǵalymdar, aýdarmashylar, jazýshylar men shyǵarmashylyq ıntellıgensııa ókilderi, QR Tótenshe jáne ókiletti elshileri jáne jalpy jurtshylyq qatysady, dep kútilýde.

Chellendj tamyz aıynyń 10 men 17 aralyǵynda saǵ.15.00-de jalǵasady jáne mınıstrliktiń YouTube kanaly, Facebook jáne Instagram t.b. áleýmettik jelilerindegi paraqshalarynda kórsetiledi.

Aıta keteıik, byltyr Abaı óleńderin jatqa oqý estafetasyn 9 jasar Láılim-Shyraq esimdi oqýshy prezıdent Qasym-Jomart Toqaevqa joldaǵan bolatyn.