2013 jyl 13 qyrkúıek Astana qalasy
«Konsessııa obektilerin memlekettik menshikke qabyldaý erejesin bekitý týraly» Qazaqstan Respýblıkasy Qarjy mınıstriniń 2008 jylǵy 30 jeltoqsandaǵy № 642 buıryǵyna ózgerister men tolyqtyrý engizý týraly
2013 jyl 13 qyrkúıek Astana qalasy
«Konsessııa obektilerin memlekettik menshikke qabyldaý erejesin bekitý týraly» Qazaqstan Respýblıkasy Qarjy mınıstriniń 2008 jylǵy 30 jeltoqsandaǵy № 642 buıryǵyna ózgerister men tolyqtyrý engizý týraly
buıyramyn:
1. «Konsessııa obektilerin memlekettik menshikke qabyldaý erejesin bekitý týraly» Qazaqstan Respýblıkasy Qarjy mınıstriniń 2008 jylǵy 30 jeltoqsandaǵy № 642 buıryǵyna (Normatıvtik quqyqtyq aktilerdi memlekettik tirkeý tiziliminde № 5534 bolyp tirkelgen, Qazaqstan Respýblıkasynyń ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan, 2009 j., № 5) mynadaı ózgerister men tolyqtyrý engizilsin:
kórsetilgen buıryqpen bekitilgen Konsessııa obektilerin memlekettik menshikke qabyldaý erejesinde:
1-tarmaq mynadaı redaksııada jazylsyn:
«1. Eger konsessııa shartynda ózgeshe kózdelmese, konsessııa shartynyń talaptaryn oryndaý nátıjesinde paıda bolǵan konsessııa obektileri qurylǵannan keıin memlekettik menshikke beriledi.»;
2-tarmaqta:
ekinshi abzas mynadaı redaksııada jazylsyn:
«konsessııa - konsessııa obektilerin qurýǵa (rekonstrýksııalaýǵa) jáne paıdalanýǵa baǵyttalǵan, konsessıonerdiń qarajaty esebinen nemese konsedenttiń qosa qarjylandyrýy sharttarymen júzege asyrylatyn qyzmet;»;
besinshi abzas mynadaı redaksııada jazylsyn:
«respýblıkalyq menshikke bılik etý quqyǵyn júzege asyrý jónindegi ýákiletti memlekettik organ - ekonomıkanyń strategııalyq mańyzy bar salalarynda (aıasynda) respýblıkalyq menshik obektilerin basqarý, menshikti jekeshelendirý jáne onyń memlekettik monıtorıngi salasynda óz quzyreti sheginde arnaıy atqarý jáne baqylaý fýnksııalaryn júzege asyratyn memlekettik organ;»;
jetinshi abzas mynadaı redaksııada jazylsyn:
«konsessıoner - konsessııa shartyn jasasqan, onyń ishinde óz qyzmetin birlesken qyzmet (jaı seriktestik) týraly shart negizinde júzege asyratyn, kásipkerlik qyzmetti júzege asyratyn jeke tulǵa jáne (nemese) zańdy tulǵa (memlekettik mekemeler men kvazımemlekettik sektor sýbektilerin qospaǵanda);»;
6-tarmaq mynadaı redaksııada jazylsyn:
«6. Tıisti sala ýákiletti memlekettik organynyń habarlamasynda memlekettik menshikke qabyldaýǵa jatatyn konsessııanyń kórsetilgen obektisin bekitip berý kózdeletin memlekettik zańdy tulǵa kórsetiledi jáne kórsetilgen konsessııa obektisin bekitý týraly memlekettik zańdy tulǵanyń jazbasha kelisimi qosa beriledi.»;
Konsessııa obektilerin memlekettik menshikke qabyldaý erejesine qosymshada:
Konsessııa obektilerin memlekettik menshikke qabyldaýdy júzege asyrý úshin konsessıoner usynatyn qujattardyń tizbesi mynadaı mazmundaǵy rettik nómiri 4-jolmen tolyqtyrylsyn:
«
| 4. | Memlekettik menshikke qabyldaýǵa jatatyn konsessııa obektisiniń qunyn rastaıtyn qujat |
».
2. Respýblıkalyq memlekettik múlikti ıelik etý jáne ońaltý men bankrottyq rásimderi ádisnamasy departamenti (B.H. Táshenov) osy buıryqtyń Qazaqstan Respýblıkasy Ádilet mınıstrliginde tirkelýin jáne zańnamada belgilengen tártippen resmı jarııalanýyn qamtamasyz etsin.
3. Osy buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi.
Mınıstr B. JÁMIShEV.
Buıryq Qazaqstan Respýblıkasynyń Ádilet mınıstrliginde 2013 jylǵy 04 qyrkúıekte Normatıvtik quqyqtyq kelisimderdi memlekettik tirkeýdiń tizilimine № 8725 bolyp engizildi.
