"QazAqparat" halyqaralyq aqparat agenttiginiń 100 jyldyq mereıtoıymen shyn júrekten quttyqtaımyn! Agenttik árqashan talantty mamandar men otandyq medıa salasynyń kásipqoı qyzmetkerleriniń ordasy bolyp keledi. Kópshiligi meniń esimde jáne olardy óz jumysyna shyǵarmashylyq ári saýatty kózqaraspen qaraǵany úshin qurmetteımin. Jýrnalıstik sheberliktiń ıgi dástúrlerin saqtaı otyryp, "QazAqparat" egemendik jyldary Qazaqstandaǵy jetekshi baspasóz quralynyń birine aınala bildi", delingen Elbasynyń quttyqtaýynda.
Sondaı-aq, Elbasy QazAqparat agenttigi elde jáne álemde bolyp jatqan oqıǵalar týraly shynaıy aqparatty jedel taratý arqyly memleketimizdiń áleýmettik jáne qoǵamdyq-saıası ómiriniń damýyna eleýli úles qosyp kele jatqanyn jetkizdi.
"QazAqparat" óziniń 100 jyldyq mereıtoıyn halyqaralyq deńgeıdegi resýrstardyń biri retinde atap ótýde. Bul – óz isine qushtar úlken kásipqoı ujymnyń úılesimdi jumysynyń nátıjesi. Agenttiktiń kásibı qyzmeti búgingi almaǵaıyp kezeńde de aıryqsha mańyzdy. "QazAqparattyń" barsha ujymyna myqty densaýlyq, shyǵarmashylyq shabyt, baq-bereke jáne táýelsiz Qazaqstannyń ıgiligi jolyndaǵy qyzmetine tabys tileımin!", dedi Nursultan Nazarbaev.
