Almaty oblysynda az qamtylǵan otbasy balalary men jetim balalardy kompıýterlik tehnıkamen qamtamsyz etý maqsatynda qosymsha 75,6 myń kompıýter satyp alynyp, ýaqytsha paıdalanýǵa beriledi. Qazir satyp alý jumystary júrgizilýde. Ol úshin 12,5 mlrd teńge qaralǵan. Oǵan qosymsha memlekettik-jekemenshik áriptestik aıasynda 5 mlrd. teńgege 20 myń kompıýter satyp alynady. Bul týraly búgin Taldyqorǵanda ótken brıfıng barysynda Almaty oblysynyń ákimi Amandyq Batalov aıtty.
"Oqýshylar men muǵalimderdiń kompıýterlik quraldarǵa qajettiligine, sonymen qatar, ınternet jelisi tartylǵan eldi mekenderge qatysty da monıtorıng júrgizildi. Oblysta kompıýterlik tehnıkamen qamtamasyz etilgen oqýshylar úlesi 61%, ıaǵnı 242,7 myń oqýshy. Mektepterdegi 23 678 kompıýter balalarǵa ýaqytsha paıdalanýǵa beriledi", dedi A.Batalov.
Jalpy oblys boıynsha 91 743 oqýshyǵa kompıýterlik quraldarǵa qajettilik bar. Osyǵan sáıkes, atalǵan máseleni sheshý úshin az qamtylǵan otbasy balalary men jetim balalardy kompıýterlik tehnıkamen qamtamsyz etý maqsatynda qosymsha 75,6 myń kompıýter satyp alynyp, ýaqytsha paıdalanýǵa beriledi. Satyp alý jumystary júrip jatyr. Ol úshin 12,5 mlrd. teńge qaraldy. Qosymsha memlekettik-jekemenshik áriptestik aıasynda 20 myń kompıýter satyp alynady.
Oblys ákiminiń aıtýynsha, mesenattar da kómek kórsetýge nıet bildirýde, máselen" Jas arhıtektorlar men qurylysshylar" qoǵamdyq qory oblystyń az qamtylǵan otbasylardyń balalary úshin 150 kompıýter quraldaryn tegin beremiz dep otyr.
Osyndaı qabyldanǵan sharalar nátıjesinde jańa oqý jylynda oblys oqýshylaryn kompıýtermen qamtamasyz etý máselesi tolyq sheshiletin bolady.
