Búgingi kúni burynǵy Petropavl shaǵyn lıtrajdy qozǵaltqyshtar zaýytyn qaıta jańartý jumystary júrgizilýde. Mamandardyń aıtýynsha, jyl saıyn aýmaǵy 22 myń sharshy metrdi quraıtyn jańa kásiporynda 13 myń elektr tehnıkalyq jabdyq daıyndaý josparlanýda. Jalpy quny 7 mlrd teńge bolatyn joba 300-ge jýyq adamdy jumyspen qamtamasyz etedi.
«Petropavldaǵy zaýyt TMD-daǵy eń zamanaýı jáne tehnologııalyq zaýyttardyń biri bolady. Jabdyq Eýropadan ákelinetin bolady. Bıylǵy jyly negizgi mindet – qurylys-montaj jumystaryn aıaqtaý, qysqy kezeńde ishki árleýdi bastaý, kelesi jyldyń basynda tehnologııalyq jabdyqtyń shef-montaj jumystaryn bastaý jáne 2021 jyldyń 3 toqsanynda zaýytty iske qosýdy josparlap otyrmyz. Biz ınvestorlar retinde SQO ákimdigi men KAZAKH INVEST tarapynan jaqsy qoldaý alamyz», - dedi «Alageum Electric» AQ Bıznesti damytý jónindegi dırektory Sultan Ilııasov.
Investordyń aıtýynsha, jańa jumys oryndaryn qurýmen qatar, zaýyt qurylysy óńirlik bıýdjet kiristerin ulǵaıta otyryp, aýmaqtyń ekonomıkalyq jáne ónerkásiptik áleýetin damytýdy qamtamasyz etedi.
«Joba «Qyzyljar» AEA aýmaǵynda júzege asyrylady. Oǵan qatysý birqatar preferensııalardy, onyń ishinde shıkizat pen jabdyqty ákelý kezinde salyq tóleýden, kedendik baj salyǵynan bosatýdy kózdeıdi, sondaı-aq kommýnaldyq qyzmetterge arnalǵan arnaıy tarıfter óndiristiń tıimdiligin arttyrady», - dep atap ótti KAZAKH INVEST SQO boıynsha óńirlik dırektory Danııar Shalabaev.
Mundaı óndiris Soltústik Qazaqstan oblysynda alǵashynda ashylmaq. Mamandardyń aıtýynsha, elektrotehnıkalyq ónimder TMD naryǵynda asa úlken suranysqa ıe. Bul joba Qazaqstan naryǵyndaǵy ımporttyq taýar úlesin azaıtyp qana qoımaı, eldiń eksporttyq áleýetin arttyrýǵa múmkindik beredi – ónimniń 95%-yn eksporttaý josparlanýda.
«Alageum Electric» - Qazaqstannyń iri elektrotehnıkalyq kompanııasy, elektr energetıkasy, elektr mashına jasaý jáne qurylys salasynda tabysty jumys isteıtin 30-dan astam iri kásiporyndar men zaýyttardy qamtıdy. Kásiporyndardyń qatarynda – «Kentaý transformator zaýyty» (Kentaý qalasy) jáne kez-kelgen qıyndyqtaǵy elektr montajdaý jumystaryn oryndaıtyn, aıtarlyqtaı tájirıbesi bar jáne 10 mamandandyrylǵan montajdaý basqarmasy bar «Elektromontaj buıymdary zaýyty» AQ mamandandyrylǵan kompanııasy – Qazaqstandaǵy kabeldik trassalar júıesin óndiretin jalǵyz kásiporyn.
