"Men, AQSh-taǵy Konfýsıı ınstıtýttaryna qatysty amerıkanyń áreketteri Qytaı-Amerıkalyq yntymaqtastyq baǵdarlamasynyń demonızasııasy men stıgmatızasııasynyń aktisi ekenin erekshe atap ótkim keledi. Biz óz ókinishimizdi bildiremiz jáne oǵan qarsy shyǵamyz", dedi dıplomat.
Sondaı-aq ol: "Biz, Amerıka Qurama Shtattarymen qyrǵı qabaq soǵystyń bolýyna narazymyz. Eki taraptan da oryn alǵan qatelikterdi túzetýge, bilim berý jobalaryn saıasattandyrýdy toqtatýǵa, gýmanıtarlyq almasýdyń qalypty prosesine oralýǵa jáne qytaı-amerıka arasyndaǵy ózara senim men yntymaqtastyqqa nuqsan keltirýdi toqtatýǵa shaqyramyz. Biz sondaı-aq jaýap berý quqyǵyn ózimizge qaldyramyz", dep atap ótti Qytaıdyń Syrtqy ister mınıstrliginiń ókili.
Chjao Lıszıan AQSh-taǵy Konfýsııdiń barlyq ınstıtýttary uzaq ýaqyt boıy "ózara tıimdilikke qol jetkizý úshin syılastyq qaǵıdattaryna sáıkes" jumys isteıtinine nazar aýdardy. "Konfýsıı ınstıtýttary – Qytaı men búkil álemdi baılanystyratyn altyn kópir", dedi dıplomat.
Eske sala keteıik, beısenbide Amerıkanyń Memlekettik hatshysy Maıkl Pampeo "Konfýsıı ınstıtýttaryn" qytaı tili men mádenıetin nasıhattaıtyn "sheteldik agent" dep málimdegen edi.
M.Pampeonyń pikirinshe, bul tarapta Aspan asty eli Amerıkanyń ashyq saıasatyn paıdalanyp, eldegi aýqymdy jáne iri jobalarǵa qatysty úgit-nasıhatyn júzege asyryp, yqpaldastyq bildirip júrgenderin naqty atap ótti. Sondaı-aq Amerıkada 100-den asa "Konfýsıı ınstıtýty" jáne mektep qabyrǵasynda oqylyp jatqan 500 "Konfýsıı mektebiniń" bar ekenine toqtaldy. Sondyqtan Konfýsıı mektebin "sheteldik agent" retinde ataýy soǵan da baılanysty.
