Oıyndy sýrettep qaıtemiz, barlyǵyńyz kórgen shyǵarsyzdar. Biraq, qarsylasynan ár taımda 4 gol jiberip alatyn «Barselonany» buryn sońdy kórmeppin. Sóz joq Messı – fenomen! Osyndaı myqty oıynshysy bar komandany joldan taıdyrǵan jáne 8:2 esebimen oısyrata jeńgen «Bavarııada» «uıat», «aıaýshylyq» joq deýshiler de tabylar. Alaıda, bul – fýtbol. Fýtbolda aıaýshylyq degen bolmaıdy.
Osyndaı kórinisti «nemis mashınalarynyń» qatysýymen buryn bir jerde kórgen sııaqtymyn. Sóıtsem, keıinnen esime tústi. 2014 jyly ótken álem chempıonaty kezinde Brazılııa ulttyq quramasyn 7:1 esebimen tas-talqan etken nemisterdiń ulttyq quramasy keıinnen mýndıal kýbogyn basyna kóterdi. Bir qyzyǵy, sol matchta esepti birinshi bolyp nemister sapynda Tomas Mıýller ashyp, komandasyn jeńiske jetelegen edi. Búginde oıynnyń 4 mınýtynda esepti birinshi bolyp sol baıaǵy Mıýller ashyp otyr.
Oıyn statıstıkasy:
«Barselona» – «Bavarııa» 2:8
Alaba 7 (óz qaqpasyna), Sýares 57 – Mıýller 4, 31, Perıshıch 21, Gnabrı 27, Kımmıh 63, Levandovskıı 82, Koýtıno 85, 89.
Dopty ıelik etý – 49% – 51%; soqqy – 8:26; dál soqqy – 5:26; buryshtama – 6:9; ofsaıd – 4:2; sary qaǵaz – 3:3; oıynshy almastyrý – 2:5.
«Barselona»: qaqpashy – Ter Shtegen; qorǵaýshylar – Alba, Lengle, Pıke, Semedý; jartylaı qorǵaýshylar – De Iong, Býskets (Fatı), Roberto (Grızmann); shabýylshy – Vıdal, Sýares, Messı.
«Bavarııa»: qaqpashy – Noıer; qorǵaýshylar – Kımmıh, Boateng (Zıýle), Alaba, Devıs (Ernandes); jartylaı qorǵaýshylar – Goretska (Tolısso), Alkantara, Gnabrı (Koýtıno), Perıshıch (Koman); shabýylshylar – Mıýller, Levandovskıı.
