Naqtyraq aıtqanda, sharaǵa qala ákiminen ózge kompozıtor-ánshi Quralaı Sátmuhambetova, kompozıtor, Shymkent qalalyq mádenıet úıiniń dırektory Nurlan Ydyrysuly Adılhanov, kompozıtor Qaldybek Qurmanáli, mádenıet qaıratkeri, Shymkent qalalyq opera jáne balet teatrynyń ánshisi Úrálhan Seıilbekova qatysty.
Olar Shámshi eskertkishi aldynda Qaldaıaqov ánderinen popýrı oryndap, estelikter aıtty.
«Búgin qazaq halqynyń rýhanııaty men mýzykalyq mádenıetinde ózindik orny bar dara daryn, dańqty kompazıtor Shámshi Qaldaıaqovtyń týǵanyna 90 jyl tolyp otyr. «Qulaqtan kirip, boıdy alar» ásem ánderimen halyqtyń yqylasy men súıispenshiligine bólengen óner ıesiniń toqsan jyldyǵy — búkil elimizge ortaq mereke. Táýelsizdik jyldarynda Shámshi Qaldaıaqovtyń shyǵarmashylyǵyn nasıhattaý baǵytynda aýqymdy ister atqaryldy. Elbasy Jarlyqtarymen óner ıesine Qazaqstannyń halyq ártisi ataǵy men Qazaqstan Respýblıkasynyń Memlekettik syılyǵy berilip, onyń «Meniń Qazaqstanym» áni memlekettik Ánuran retinde tańdap alyndy. Pandemııaǵa qaramastan bıyl da osy dástúr jalǵasyn taýyp otyr. «Shymkent – TMD elderiniń mádenı astanasy» is-sharasynyń aıasynda estradalyq án oryndaýshylar arasynda Shámshi Qaldaıaqovtyń 90 jyldyǵyna arnalǵan «Meniń Qazaqstanym» atty onlaın-festıval ótýde. Oǵan TMD elderimen qatar AQSh pen Túrkııadan da tanymal oryndaýshylar qatysýda. Bul — Shámshi shyǵarmashylyǵyn halyqaralyq dárejede nasıhattaýǵa qosylǵan eleýli úles dep bilemiz»,- dedi qala ákimi Murat Áıtenov.
Qazirde qalada Qaldaıaqovtyń 90 jyldyǵyna arnalǵan onlaın formatta ádebı sazdy keshter, Shámshi ómirine saıahat, vırtýaldy kórme, onlaın kórme, onlaın karaoke t.b. is-sharalar uıymdastyrylýda.
Aıta keteıik, Shymkent qalasynda kompozıtordyń atynda kósheden basqa fılarmonııa men saıabaq bar.
