Elorda • 17 Tamyz, 2020

Nur-Sultanda jedel járdem qońyraýlary azaıdy

9 ret kórsetildi

KVI boıynsha qońyraýlar táýligine 500-den 6-ǵa deıin azaıdy. Bul týraly ákimdiktiń resmı saıtyna silteme jasaı otyryp Egemen.kz habarlaıdy.

Nur-Sultanda jedel járdem stansııasyna kelip túsetin shaqyrýlar men azamattardyń ótinishteri azaıǵany baıqalady.

"Qala turǵyndarynan túsken ótinishterdiń jalpy sany táýligine 3 myńnan 1 myńǵa deıin tómendedi. KVI boıynsha shaqyrýlar táýligine 500-den 6-ǵa deıin azaıdy", dedi elordalyq densaýlyq saqtaý basqarmasynyń basshysy Tımýr Muratov.

Aıta ketý kerek, jedel járdem bazasynda aýmaqtyq emhanalardyń orta medısınalyq qyzmetkerlerinen 70-51-03 nómiri bar baılanys ortalyǵy uıymdastyryldy, olar táýligine 500-ge jýyq ótinish qabyldady. Barlyǵy 9,5 myń ótinish boıynsha keńes berildi.

Elordada koronavırýs pen pnevmonııanyń tómendeýine baılanysty naýqastardy emdeıtin stasıonarlar bosatylady. Aýrýhanaǵa jatqyzylǵandardyń sany bir jarym aıda 10 ese azaıdy.

"5 shildeden bastap aýrýhanaǵa jatqyzylǵan naýqastardyń sany 4 myńnan indettiń órshýi kezinde 343 adamǵa nemese 10 ese azaıdy. Tıisinshe tósek qorynyń júktemesi 99% - dan 17,2% - ǵa deıin azaıdy. Stasıonarlardaǵy KVI rastalyp, aýrýhanaǵa jatqyzylǵan naýqastar sany 2000-nan 137-ge deıin (14 ese) pnevmonııamen 1333-ten 198-ge deıin (7 ese) azaıdy", dedi elordalyq Densaýlyq saqtaý basqarmasynyń basshysy Tımýr Muratov.

Pandemııanyń órshýi basylǵanyna baılanysty KVI-men kúresýge jumyldyrylǵan densaýlyq saqtaý obektileriniń sany qysqarýda. Osylaısha, negizgi qyzmetin qaıta bastaǵan alty densaýlyq saqtaý nysany kezeń-kezeńimen jabyldy. Epıdemıologııalyq jaǵdaı asqynǵan jaǵdaıda olardyń jumysy jedel qalpyna keltiriledi. Qazirgi ýaqytta 10 stasıonar iske qosylǵan.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar