"Qazirgi ýaqytta Mamandandyrylǵan halyqqa qyzmet kórsetý ortalyqtarynda Armenııadan ákelingen kólikterdi ýaqytsha tirkeýge alý júrgizilip jatyr. Elimizde tirkelmegen sheteldik kólikti memlekettik tirkeýge qoıý úshin biregeı múmkindiktiń aıaqtalý merzimi 1 qyrkúıekke deıin ǵana, ıaǵnı sanaýly kúnder ǵana qaldy. Memleket usynǵan múmkindikti utymdy paıdalanyp, 301 avtokólik ıesi temir tulparynyń qujattaryn rásimdedi", – dedi Almaty oblysy PD Ákimshilik polısııa basqarmasynyń bastyǵy Dáýlet Moldahanov.
Jol saqshylarynyń málimeti boıynsha osy sátti paıdalanyp, kóligin tirkemegen sanaýly ǵana sheteldik avtokólik ıeleri qalǵan. Qazirgi ýaqytta atalǵan sheteldik tirkeýdegi avtokólikter men olardyń ıeleriniń mekenjaıyn anyqtaý sharalary qabyldanýda.
О́z kezeginde, Almaty oblysynyń polıseıleri turǵyndardy qaýly talaptaryna sáıkes keletin avtokólikterin ýaqytsha tirkeýge qoıý múmkindigin paıdalanýǵa shaqyrady. О́ıtkeni, kúzdiń alǵashqy kúni tirkeý toqtaıtynyn eskergen abzal.
Esterińizge sala keteıik, Memleket Basshysynyń tapsyrmasyna oraı qabyldanǵan QR Úkimetiniń 2020 jylǵy 20 mamyryndaǵy №306 qaýlysyna sáıkes Armenııa Respýblıkasynan ákelingen kólikterdi elimizde ýaqytsha tirkeýge qoıý máselesi birizdendirilgen bolatyn. Atalǵan qujatta ýaqytsha tirkeý merzimi 2020 jyldyń 1 maýsymynan 1 qyrkúıegine deıin dep kórsetilgen.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
