Sharýashylyq basshysy Pavel Lýshak trıtıkale tuqymyn úshinshi jyl sepkenderin aıtady.
– Kúzdik daqyl ózin jaqsy jaǵynan kórsetti. Bıyl tuqymnyń bul túri 750 ga jerge sebildi. Alqaptyń bir bóligine bıdaıdyń «Grom» jáne «Brıgada» suryptary sińirildi. Bul – reseılik seleksııa. Kúzdik daqyldardy jınaý 20 shildede bastaldy. Tamyzdyń basynda alǵashqy 700 tonna trıtıkale Tájikstanǵa jóneltildi. О́nimdi jergilikti qus fabrıkalary da satyp aldy, – deıdi ol.
Aıta ketý kerek, bıylǵy jazdyń qurǵaqshylyǵyna qaramastan, kúzdik bıdaı ár gektardan 25 sentnerge deıin ónim berdi. Búgingi kúnde sharýashylyq bul baǵytty damytýdy jón sanaıdy. Aldaǵy ýaqytta kúzdik alqaptardy 1 350 gektarǵa deıin ulǵaıtý josparda bar eken.
Qazirgi tańda «Naıdorovskoe» JShS zamanaýı tehnologııalarǵa kóbirek den qoıyp, dándi daqyldardyń jańa suryptaryn synaqtan ótkizýde.
– Bizde aýa-raıy qatal, al egistiktiń shyǵymy nashar. Sondyqtan, jańa tehnologııalardy engizýden basqa jol joq. Sapaly tuqymsyz, agrotehnologııalardy saqtamaı jáne tyńaıtqyshtardy qoldanbastan ilgeri jyljý tipti de múmkin emes. Bizge otandyq seleksıonerlerdiń kómegi qajet. Qazir biz ózimizdiń alqaptarymyzda sheteldik seleksııany synaqtan ótikizip jatyrmyz. Qarap tursańyz, bul degenińiz zor shyǵynǵa, qajeti shamaly táýekelge alyp keletin sharýa, – deıdi sharýashylyq basshysy Pavel Lýshak.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
