QFF atqarýshy komıtetiniń sheshimi kelesi jaǵdaılarǵa negizdeledi:
- sanıtarlyq-epıdemıologııalyq karantın sharalarynyń jalǵasýy jáne sáıkesinshe jabyq alańdarda sporttyq jarystarǵa tyıym salý saldarynan týrnırdi odan ári ótkizý múmkin emes;
- fýtzal boıynsha Qazaqstan chempıonatynyń qatysýshylary matchtardyń 70 paıyzyn oınaǵandyqtan, kestedegi oryndar soǵan qarap belgilenedi;
- Fýtzaldan Chempıondar lıgasyna qatysý úshin qazaqstandyq klýbtar týrnırlik ótinimdi jedel túrde jiberý qajet.
"Fýtzaldan ÝEFA Chempıondar lıgasynyń jerebesi jaqynda ótedi. Osylaısha, týrnırdiń qazaqstandyq qatysýshylary ótinish qujattaryn qazir tapsyrýy kerek. Jabyq jarystarǵa áli de qatań tyıym salynǵandyqtan chempıonatty aıaqtaý múmkin emes. Sport prınsıpi ústemdik etý úshin, Qazaqstan fýtbol federasııasy ulttyq birinshilik qatysýshylarynyń qoldaýyna júginip, chempıonatty qazirgi jaǵdaıdyń nátıjeleri boıynsha aıaqtap, eń myqty klýbtarǵa halyqaralyq arenaǵa qaıtadan shyǵýǵa múmkindik berdi", - dedi Qazaqstan fýtbol federasııasynyń fýtzal departamentiniń dırektory Asqar Abıldaev.
Aıta keteıik, chempıondar lıgasynyń jerebesi 2020 jyldyń 2 qyrkúıeginde ótedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
