Qurban aıt merekesin elimiz jaqynda ǵana atap ótti. Aıt kúnderi jurtshylyq birin-biri shaıǵa shaqyrysyp, dastarqan ústinde de ımandylyq, adamgershilik jaıynda ulaǵatty áńgimeler jáne aqjarma tilekter aıtyldy. Aq dinimizdiń de, memlekettik merekemizdiń de maqsaty adamdardyń rýhanı jutamaýy, birlik-berekeniń saqtalýy emes pe?! Alaıda, birazdan beri baıqap júrgenimizdeı, keıbir kórneki kúntizbelerde Qurban aıt merekesi belgilenbeıdi. Jyldyń basynda jergilikti orys tildi gazet oqyrmandarǵa bir betke jaıyp jyldyń kúntizbesin usynǵanda, odan memlekettik merekeler qatarynda Rojdestvony kórip, Qurban aıtty kózimiz shalmaǵan edi.
Qurban aıt merekesin elimiz jaqynda ǵana atap ótti. Aıt kúnderi jurtshylyq birin-biri shaıǵa shaqyrysyp, dastarqan ústinde de ımandylyq, adamgershilik jaıynda ulaǵatty áńgimeler jáne aqjarma tilekter aıtyldy. Aq dinimizdiń de, memlekettik merekemizdiń de maqsaty adamdardyń rýhanı jutamaýy, birlik-berekeniń saqtalýy emes pe?! Alaıda, birazdan beri baıqap júrgenimizdeı, keıbir kórneki kúntizbelerde Qurban aıt merekesi belgilenbeıdi. Jyldyń basynda jergilikti orys tildi gazet oqyrmandarǵa bir betke jaıyp jyldyń kúntizbesin usynǵanda, odan memlekettik merekeler qatarynda Rojdestvony kórip, Qurban aıtty kózimiz shalmaǵan edi.
Qazir jyl aıaqtalmaı-aq, aldaǵy 2014 jyldyń kúntizbeleri dúkenderge túse bastady. Jaqynda Qostanaı qalasyndaǵy dúkenderdiń birinen osyndaı kúntizbelerge kózimiz tústi. Qaǵazynda min joq –jaltyrap tur, bezendirilýi jaıly taǵy eshteńe aıta almaısyń. Bul kúntizbeni Almaty qalasyndaǵy ARTCARD baspahanasy shyǵarypty. Alaıda, munda da Qazaqstan Respýblıkasyndaǵy memlekettik merekeler qatarynda Qurban aıt qyzyl túspen belgilenbegen. Kúntizbeniń tómengi jaǵyna memlekettik merekelerdi bólek tizip jazǵanda da, Qurban aıt qalys qalǵan. «Abdýlla» jekemenshik kásiporny shyǵarǵan kúntizbede de 7 qańtar Rojdestvo Hrıstovo merekesi bar, Qurban aıt merekesi joq. Osy kúntizbede memlekettik tilge qatysty ereje de saqtalmaǵan. Qazaq tilindegi kún attary kúntizbeniń sol jaǵyna emes, oń jaǵyna jazylǵan. Til janashyry Tólen Ramazan Pavlodar qalasynan osy kásiporynnyń shyǵarǵan taǵy bir kúntizbesindegi kózge uryp turǵan qatelerdi aıtyp, telefon shaldy. Kúntizbeni sýretke túsirip jiberipti. Onda da Qurban aıt belgilenbegen. Taǵy bir memlekettik merekemiz – 7 mamyr – Otan qorǵaýshy kúnin belgilegenmen, kúntizbeniń tómengi jaǵyna ornalastyrǵan memlekettik merekeler tizimine qospaǵan. Osy kásiporynnyń jetekshisi, telefonnyń arǵy jaǵynan ózin Nurlan dep tanystyrǵan jigit kúntizbeniń elý túrin shyǵaratynyn aıtty. Jaqynda issaparmen Arqalyq qalasyna barǵanda jumys kabınetterinde ilýli turǵan kórneki kúntizbelerge ádeıi nazar salǵanbyz. Bir-aq mysal. «Arqalyq habary» qalalyq gazetindegi áriptesterimiz kabınetterinde ilingen Memlekettik jınaqtaýshy zeınetaqy qory shyǵarǵan 2013 jyldyń kúntizbelerinde de Qurban aıt kórsetilmegen. Qurban aıt keler jyly 4 qazanda merekelenýi tıis. Ol tek ARTCARD baspahanasy shyǵarǵan dinı merekeler kúntizbesinde kórsetilgen. Memlekettik tilge qatysty ala-qulalyqtan qandaı kúntizbeni qarasańyz da kóz súrinedi.
Kúntizbe shyǵarýshylar Qurban aıt merekesin belgilemegenin onyń jyl saıyn jyljyp otyratynyn, belgili bir kúnde kelmeıtinin syltaý eter. Alaıda, Qazaqstan musylmandary dinı basqarmasyna nemese, jergilikti meshit ımamdaryna habarlasyp, bilip alýyna bolmaı ma? Qurban aıt – memlekettik resmı mereke. Sondyqtan oǵan tek musylman jurty ǵana emes, ár qazaqstandyq qurmetpen qaraýy tıis.
Jańa jyl jaqyndap qaldy. Ár kúnimiz kúntizbeden bastalady. Oǵan kúnde qaraısyz. Kúnde qateni kórgende kóńil ortaımaı ma?..
Názıra JÁRIMBETOVA,
«Egemen Qazaqstan».
QOSTANAI.
