"Halyq densaýlyǵy týraly Kodekske sáıkes, bizde mindetti jáne erikti ekpeler bar. Biz koronavırýsqa qarsy vaksınany erikti vaksınanyń quramyna qosý máselesin qarastyramyz. О́ıtkeni vaksınanyń aradan jyldar ótkendegi nátıjesi men áseri qalaı bolatyny áli tolyq zerttelmegen. Biraq bizde ruqsatnama jáne vaksınalardy Qazaqstanda paıdalaný múmkindigi bolýy tıis", - dedi Soı.
Mınıstr vaksınanyń tek densaýlyǵyna qaýip tónip turǵan adamdar úshin aqysyz jasalatynyn aıtty. Iаǵnı, vaksınasııalaý ýaqytynda dárigerler, qart adamdar jáne sozylmaly aýrýlary bar naýqastarǵa ǵana tegin jasalady.
"Biz jaqyn arada reseılik áriptesterimizdiń klınıkalyq zertteý nátıjelerin kórý, baǵalaý, bolashaqta Qazaqstanǵa tirkeý jáne jetkizý múmkindigi týraly kelisý úshin Reseıge ushamyz. Iаǵnı, bul úlgilerdi alý úshin, biz ózimizde tekserip kóremiz. Eger bári jaqsy bolsa, ony qoldana alamyz", - dedi Soı.
Eń mańyzdy másele - vaksınanyń sapasy men qaýipsizdigi úshin kim jaýapty bolady? Alekseı Soı suhbatynda bul týraly da aıtty.
"Bizde dári-dármekter men medısınalyq buıymdardy saraptaý ulttyq ortalyǵy bar, ol kez kelgen ónimniń, onyń ishinde vaksınanyń tıimdiligi men qaýipsizdigin baǵalaıdy. Baǵalaý Halyqaralyq zańnama boıynsha ótedi. AQSh pen EO-men birdeı talaptar qoıylady", - dedi mınıstr.
Alaıda, jaǵymsyz reaksııalar kez kelgen dárilik zattardy qoldanǵanda oryn alýy múmkin ekenin de jasyrmady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
