Taldyqorǵan ákiminiń baspasóz hatshysy Nur Qanatuly atap ótkendeı, Ádep jónindegi keńes Qazaqstannyń densaýlyq saqtaý mınıstrine sanıtarlyq dárigerge qatań sógis túrindegi tártiptik jaza qoldanýdy usynǵan.
"Men muny oryndy jáne ádil sheshim dep sanaımyn. Degenmen kópshilik ony jumystan shyǵarǵysy keledi. Birinshiden, ol óz kinásin tolyq moıyndap, qala men oblys turǵyndarynan keshirim surady. Ekinshiden, vıdeoda adamǵa balaǵat sózder nemese qorlaý bolǵan joq, ásirese jeke basqa ótý faktisi oryn alǵan joq. Úshinshiden, ol densaýlyq saqtaý salasynda tájirıbesi mol jáne eńbek ótili bar óz isiniń mamany", dep jazdy Taldyqorǵan qalasy ákiminiń baspasóz hatshysy óziniń Instagram paraqshasynda.
Eske salaıyq, Memlekettik qyzmet isteri agenttigi Almaty oblysynyń bas memlekettik sanıtarlyq dárigeri Erǵalı Sydymanovqa qatysty tártiptik is qozǵady. Alǵashqy jumys kúni Erǵalı Sydymanov Taldyqorǵan qalasynyń turǵyndarymen kezdesken edi. Sheneýniktiń dóreki sózderi vıdeoǵa túsip, áleýmettik jelilerge tarap ketken bolatyn.
