Statıstıka departamentiniń málimetinshe, óńirden ketkender sany ótken jylmen salystyrǵanda úshten birge az. Kóshi-qon kemýi 1 733 adamdy quraǵan. Onyń ishinde syrtqy kóshi-qonda 657 adam. Syrtqy kóshi-qon salasyndaǵy oblystyń negizgi kóshi-qon almasýy TMD memleketterimen júrip jatyr.
"Bizdiń oblystan barǵan emıgranttardyń 99% - yn Reseı Federasııasy qabyldaıdy. Oblysqa TMD elderinen kelgender arasynda da Reseı kósh bastap tur. Álemniń basqa elderine oblystyń 56 turǵyny ketip, 44 adam keldi. Negizinen kóbisi Germanııa men Polshaǵa qonys aýdarady. Kelgenderdiń arasynda Mońǵolııa men Qytaı turǵyndary basym", - dep habarlady departament ókilderi.
Sondaı-aq, Soltústik Qazaqstanda óńiraralyq kóshi-qon tómendegen. Elimizdiń basqa oblystarynan bul aımaqqa 2058 adam kóship kelse, 3 134 adam kóship ketken. Kelgenderdiń negizgi úlesin Aqmola oblysy men Nur-sultan qalasynyń turǵyndary qurady. Soltústikqazaqstandyqtar osy óńirlerge jıi ketedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
