Bul eki boksshy buǵan deıin eki márte kezdesken. Birinshi kezdesý teń nátıjemen aıaqtalsa, ekinshi kezdesýge "Kanolo" tóreshiler sheshimi boıynsha jeńiske jetken edi. Endi jaqyn arada úshinshi ret kezdesýi ábden múmkin. Ol úshin Saýl "Kanelo" Alvarestiń kezdesýlerin uıymdastyratyn DAZN kompanııasy meksıkalyq boksshyǵa 40 mıllıon dollar kóleminde syıaqy berýge daıyn.
Negizi osy aptada "Kanelonyń" komandasy boksshynyń kelesi qarsylasyn jarııalaǵan bolatyn. Ol túrkııalyq boksshy Avnı Iyldyrym. Kezdesý 12 qyrkúıekte ótýi kerek.
Golovkınniń de qarsylasy belgili. Otandasymyz orta salmaqtaǵy IBF belbeýin polshalyq Kamıl Sheremeteǵa qarsy qorǵaýy qajet. Bul aıqas qazan aıyna belgilengen.
Biraq DAZN dál qazir eki boksshyǵa da qarsylastaryn resmı bekitpeı otyr. Sebebi, ol kezdesýlerden kompanııa aqsha jasaı almaıdy. Sol úshin de kompanııa qaıta "Kanelomen" Golovkın bir-birine qarsy qoıýǵa nıetti. Bul kezdesý osy jyldyń qyrkúıek aıynda ótýi yqtımal. Alvarestiń syıaqysy 40 mıllıon, al Golovkınniń gonorary 30 mıllıon bolýy múmkin.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
