Koronavırýs • 21 Tamyz, 2020

Qytaı epıdemıology Reseıdiń qandaı vaksına jasaǵanyn aıtyp berdi

4634 ret kórsetildi

Qytaıdyń jetekshi epıdemıology Chjýn Nanshan reseılikterdiń COVID-19 vaksınasyn joǵary baǵalady jáne Reseıdi dári-dármekterdi tirkeý aıaqtalýymen quttyqtady. Sarapshy sonymen birge onyń klınıkalyq synaqtarynyń sátti aıaqtalatynyna senim bildirdi, dep habarlaıdy Egemen.kz.

"Chjýn Nanshan Gamaleıa ulttyq epıdemıologııa jáne mıkrobıologııa ǵylymı ortalyǵy jasaǵan vaksınalardy joǵary baǵalady jáne bizdiń elimizdi dárini memlekettik tirkeý rásiminiń aıaqtalýymen quttyqtady", delingen Beıjińdegi Reseı elshiliginiń habarlamasynda.

Qytaılyq maman "reseılik adenovırýstyq vaksına qaýipsiz ekenin jáne onyń klınıkalyq synaqtary sátti aıaqtalatynyna senim bildirdi" dedi.

Ol sonymen qatar reseılik jáne qytaılyq mamandar COVID-19 vaksınasy boıynsha jumystyń ǵylymı aspektilerine baılanysty máseleler boıynsha belsendi jumys istep jatqandyǵyn sózge qosty.

Buǵan deıin Reseıdiń Densaýlyq saqtaý mınıstrligi koronavırýstyń aldyn-alýǵa arnalǵan álemdegi alǵashqy vaksınany tirkegen bolatyn. Ol "Sputnik V" dep atalǵan. Sodan beri Reseıge mıllıardtan astam doza vaksına satyp alýǵa 20-dan astam elden ótinishter kelip túskeni habarlandy.

Gamaleıa ınstıtýty Reseıde COVID-19-ge qarsy jappaı egý 2020 jyldyń qazan aıynda bastalady dep habarlady. Vaksınasııamen bir mezgilde vaksınany klınıkalyq zertteýlerdiń úshinshi kezeńi ótedi. Oǵan 40 myń adam qatysady.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar