Qoǵam • 21 Tamyz, 2020

Áıelin baltamen jazalaǵysy kelgen er adam 11 jylǵa sottaldy

805 ret kórsetildi

Túrkistan oblysynda áıelin baltamen uryp, jazalaǵysy kelgen er adam 11 jylǵa sottaldy. Bul týraly Polisia.kz-ke silteme jasaı otyryp Egemen.kz habarlaıdy.

Túrkistan oblysynda er azamattyń óz áıelin baltamen uryp, aýyr jaraqat salǵandyǵy týraly aqpar keńinen taralyp, qoǵam arasynda talqyǵa túsken bolatyn. Eske sala keteıik, Keles aýdandyq polısııa bóliminiń kezekshilik nómirine 27 sáýir ýchaskelik polısııa ınspektorynan habarlama kelip túsedi. Onda tańǵy saǵat 9:40-ta aýdan kósheleriniń birinde belgisiz áıeldiń jaraqattanyp jatqany aıtylady.

Habarlama túse salysymen kelestik saqshylardan jedel-tergeý toby qurylyp, oqıǵa oryn alǵan aımaqqa attanady. Polıseıler birden isti ashýǵa baǵyttalǵan tekserý sharalaryna kirisip, sol aýmaqty tyńǵylyqty tekserdi. Kýágerlerden suraq-jaýaptar aldy. Sonymen qatar oqıǵa bolǵan orynnan aıǵaqty zat retinde balta tárkilendi. Aýyr jaraqat alǵan áıel densaýlyǵyna baılanysty shaǵymdana almaǵannan soń, jábirlenýshiniń ápkesi polısııa bólimine kelip aryzdandy.

Aryzdy polıseıler QR QK-niń 24-99-baby (Adam óltirýge oqtalý) boıynsha SDTBT-ǵa tirkeıdi de, tergeý júrgiziledi. Jedel izdestirý sharalarynyń nátıjesinde, kúdikti retinde zardap shekken áıeldiń kúıeýi 2-3 saǵat ishinde aýdan kósheleriniń birinen ustaldy. Tergeý barysynda belgili bolǵandaı, kúdikti men áıeliniń arasynda otbasylyq janjal bolǵan jáne erli – zaıyptylar arasyndaǵy kıkiljińniń týyndaýy alǵash ret emes. Buǵan deıin de birneshe ret qaıtalanǵan. Al dál osy jaıt kezinde kúıeýi áıeldi uryp soǵyp, artynan baltasyn alyp júgirgen. Záresi ushqan áıel qoryqqanynan qasha jóneledi, alaıda kúıeýi artynan jetip, qolyndaǵy baltasymen óz áıelin aıaýsyz uryp soqqan.

Búgingi tańda zardap shekken áıel emhanaǵa qaralyp, tıisti otasy jasaldy. Alaıda betine tıgen baltanyń saldarynan bir kózi qatty zaqymdanyp, bir jaǵynan bas jaraqatyn da alǵan. Qazirgi ýaqytta áıeldiń jaǵdaıy bir qalypty, Shymkent qalasyndaǵy týystarynyń úıinde. Emhanaǵa jatyp, taǵy da ota jasatýǵa daıyndalýda. Osylaısha Túrkistan oblysy Polısııa departamenti Keles aýdandyq polısııa bóliminiń tergeýshileri kúıeýiniń soqqysynan aýyr jaraqattanǵan áıeldiń isin tergep-tekserip, tıisti dáleldemelerdi jınaqtap, isti sotqa joldady.

О́z kezeginde Túrkistan oblystyq sotynyń sheshimimen kúdikti 11 jyl 3 aıǵa bas bostandyǵynan aıyryldy. О́mirlik jary bolǵan áıeldiń, balalarynyń anasyna qaýip tóndirgeni úshin 11 jylyn temir tordyń arǵy jaǵynda ótkizetin bolady.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar