Volonterler adamdardy dúkenderden shyqqan sátte jáne kóshede qarsy alyp jáne gıgıena erejelerin eske túsirip maskalardy taratty. Maskalar ásirese kóshede qorǵansyz júrgen zeınetkerler men balalarǵa berildi.
"Bul bizdiń bastamamyz. Birinshi kezekte, biz azamattarymyzǵa aldyn alý sharalaryn, jeke qaýipsizdikti jáne maska rejımin saqtaý qajettigin eske salǵymyz keldi. Birneshe ret qoldanýǵa bolatyn sapaly jáne kóp rettik maskalardy tańdadyq", – dedi Áleýmettik ózara is-qımyl jáne kommýnıkasııa ortalyǵynyń HR-mamany Aıgúl Smaılova.
Esterińizge sala keteıik, SK Volunteer Volonterler lıgasy "Samuryq-Qazyna" kompanııalar tobynyń beı-jaı qaramaıtyn qyzmetkerleri men el azamattaryn biriktiredi. http://volunteer.sknews.kz/. saıty arqyly ótinish berý arqyly Qazaqstannyń kez kelgen azamaty volonter bola alady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
