Batyrǵa medaldi Almaty qalasy Tótenshe jaǵdaılar departamentiniń bastyǵy Serik Áýbákirov tabys etti.
"Aınalany, adamdardy qorǵaýdy óziniń paryzy sanaıtyn naǵyz qazaqstandyq azamatqa tán batyldyq pen erlik kórsetkenińiz úshin alǵys aıtamyz, kóptegen jyldar boıy kásibı sportpen shuǵyldaný Sizge birneshe adamnyń ómirin saqtap qalýǵa múmkindik berdi", dep atap ótti Serik Áýbákirov.
Esterińizge sala keteıik, 14 tamyz kúni saǵat 21.33-te TJ departamentiniń "101" pýltine Almaly aýdany Radostovsa kóshesi 49 úıden órt shyqqany týraly habarlama kelip tústi. О́rt sóndirýshiler kelgende bes qabatty turǵyn úıdiń úshinshi qabatyndaǵy páterdiń dálizi men as úı ashyq jalynmen janyp jatty. О́z ómirin qaterge tikken Rymqulov Dáýren órt sóndirý esepteri kelgenge deıin páterde qalǵan adamdardy qutqarýǵa ishke umtylyp, órt sóndirýshilerge qyzyl jalynmen kúresýge belsendi túrde at salysady.
Shuǵyl jaǵdaılarda adamdardy qutqaryp, belsendi azamattyq ustanym tanytqany jáne jas urpaqqa úlgi kórsetkeni úshin Almaty qalasy TJ departamentiniń basshylyǵy ony marapattaýǵa usynys jasaǵan bolatyn.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
