Ekologııa • 21 Tamyz, 2020

Stepnogorsk qalasynda PHD qaldyqtaryn saqtaýǵa qatysty ortaq sheshim qabyldandy

30 ret kórsetildi

Stepnogorsk qalasynda quramynda polıhlordıfenıl (PHD) bar qaldyqtardy ýaqytsha saqtaý máselesin talqylaýǵa arnalǵan vedomstvoaralyq komıssııanyń keńeıtilgen otyrysy ótti. Oǵan QR Ekologııa, geologııa jáne tabıǵı resýrstar vıse-mınıstri Ahmetjan Pirimqulov, Aqmola oblysy ákiminiń orynbasary Ǵalymjan Ábiqalyqov, Stepnogorsk qalasynyń ákimi Erkebulan Baıahmetov, Stepnogorsk qalasynyń jurtshylyq ókilderi, «Jasyl damý» AQ, «EkoLıýks-As» JShS, «О́KM Operatory» JShS basshylary jáne qoǵamdyq monıtorıng tobynyń ókilderi, ekologtar men táýelsiz sarapshylar qatysty, dep habarlaıdy Egemen.kz Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Esterińizge salaıyq Balqash kóliniń mańynda ornalasqan keńestik zamandaǵy «Darıal-Ý» radıolokasııalyq stansııasy aýmaǵynan quramynda PHD qaldyǵy bar 6002 kondensator men 3 konteınerdi Stepnogorsk qalasyndaǵy mamandandyrylǵan kásiporyn qoımasyna ýaqytsha saqtaýǵa jetkizilgen bolatyn.

Qaldyqty qala aýmaǵynda saqtaý adam ómiri men qorshaǵan ortaǵa esh qaýyp tóndirmeıtindigin ekologtar men táýelsiz sarapshylar zertteý qorytyndylarynda resmı túrde jarııalady. Qaldyq salynǵan konteınerler BUU talaptaryna sáıkes sertıfıkattalǵan jáne ondaǵy kondensatorlar tıisti materıaldarmen sapaly oralǵan. Sonymen qatar konteınerler ornalasqan «Ekolıýks-AS» JShS qoımasy halyqaralyq aktilermen belgilengen barlyq talapqa tolyǵymen sákes kelip otyr.

Quramynda PHD bar qaldyqtar aınalymy máseleleri jónindegi vedomstvoaralyq komıssııanyń keńeıtilgen otyrysynda QR ekologııa, geologııa jáne tabıǵı resýrstar mınıstrligi, Stepnogorsk qalasynyń ákimdigi, «Jasyl damý» AQ, «EkoLıýks-As» JShS, sondaı-aq Stepnogorsk qalasynyń jurtshylyq ókilderi yntymaqtastyq týraly birlesken memorandýmǵa qol qoıdy. Qujatqa sáıkes ýákiletti organ quramynda PHD bar qaldyqtardy saqtaý júzege asyrylatyn qoıma aýmaǵynda qorshaǵan ortaǵa memlekettik monıtorıng júrgizedi, «EkoLıýks-As» PHD-qaldyqtardy ýaqytsha saqtaý boıynsha óziniń sharttyq mindettemelerin oryndaýǵa mindettenedi.

Sonymen qatar, Ekologııa, geologııa jáne tabıǵı resýrstar mınıstrligi Stepnogorsk qalasynyń ákimdigimen, qala jurtshylyǵynyń ókilderimen jáne «Jasyl Damý» AQ-men birlesip qaýipti qaldyqtardy saqtaý, shyǵarý, jańa obektige jetkizý jáne olardy QR zańnamasyna sáıkes ornalastyrý boıynsha monıtorıngti júzege asyratyn bolady. 

Aıta ketý kerek qoımadaǵy saqtaýly qaldyq qala halqynyń densaýlyǵyna jáne qorshaǵan ortaǵa esh zııan tıgizbeıtindiginiń aıǵaǵy retinde vedomstvoaralyq komıssııa otyrysyn PHD qaldyǵy saqtalǵan «EkoLıýks-AS» qoımasynda ótkizdi.

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar