Keshe Prezıdent Ákimshiliginde Qaýipsizdik Keńesi hatshysynyń orynbasary – Qaýipsizdik Keńesi Hatshylyǵynyń meńgerýshisi Q.Jańbyrshınniń tóraǵalyq etýimen keńes ótti.
Keshe Prezıdent Ákimshiliginde Qaýipsizdik Keńesi hatshysynyń orynbasary – Qaýipsizdik Keńesi Hatshylyǵynyń meńgerýshisi Q.Jańbyrshınniń tóraǵalyq etýimen keńes ótti.
Keńeske Ekonomıkalyq qylmysqa jáne sybaılas jemqorlyqqa qarsy kúres agenttiginiń, Ishki ister mınıstrliginiń, Qarjy mınıstrliginiń Kedendik baqylaý jáne Salyq komıtetteriniń basshylyǵy qatysty. Keńeste Qazaqstan Respýblıkasynda kóleńkeli ekonomıkaǵa qarsy is-qımyldyń 2013-2015 jyldarǵa arnalǵan keshendi josparyn oryndaý barysy qarastyryldy, sondaı-aq atalǵan saladaǵy problemalyq máseleler talqylandy.
Memleket basshysy kóleńkeli ekonomıkaǵa qarsy turýdy jáne alkogoldi ónimderdiń zańsyz aınalymyna qarsy kúresti jandandyrý qajettigine Aqordada ústimizdegi jylǵy 11 qazanda ótken Úkimettiń keńeıtilgen otyrysyna qatysýshylardyń aıryqsha nazaryn aýdarǵany málim.
Keńes barysynda Keshendi jospardy iske asyrý tásilderindegi memlekettik organdardyń is-qımylynda ózara kelispeýshiliktiń barlyǵy atap ótildi.
Osyǵan baılanysty, memlekettik organdarǵa Jospardy sapaly oryndaý boıynsha tapsyrmalar berildi, sondaı-aq vedomstvoaralyq úılestirýdi kúsheıtýge nazar aýdarý jáne atqarylyp otyrǵan jumysty keńinen aqparattyq súıemeldeý usynyldy.
«Egemen-aqparat».
