Keshe Astanadaǵy Ortalyq kommýnıkasııalar qyzmetinde Qaraǵandy oblysynyń ákimi Baýyrjan Ábdishevtiń respýblıkalyq buqaralyq aqparat quraldary ókilderimen baspasóz máslıhaty bolyp ótti. Ádettegideı ony ashyp, júrgizgen Ortalyq kommýnıkasııalar qyzmetiniń ókili Altaı Ábıbýllaev eń aldymen jýrnalısterdi bul oblystyń erekshelikterimen tanystyryp ótti.
Keshe Astanadaǵy Ortalyq kommýnıkasııalar qyzmetinde Qaraǵandy oblysynyń ákimi Baýyrjan Ábdishevtiń respýblıkalyq buqaralyq aqparat quraldary ókilderimen baspasóz máslıhaty bolyp ótti. Ádettegideı ony ashyp, júrgizgen Ortalyq kommýnıkasııalar qyzmetiniń ókili Altaı Ábıbýllaev eń aldymen jýrnalısterdi bul oblystyń erekshelikterimen tanystyryp ótti.
Qaraǵandy oblysy – Qazaqstandaǵy aldyńǵy qatarly iri ındýstrııalyq ortalyq. О́nerkásiptik óndiris taý-ken-metallýrgııalyq keshenniń basym damýymen erekshelenedi. Tamaq, farmasevtıkalyq jáne hımııalyq ónerkásip, jeńil ónerkásip jáne qurylys materıaldarynyń ındýstrııasy damyǵan. Oblystyń jer qoınaýy sırek kezdesetin metaldarǵa baı: vısmýt, kúmis, súrme, tıtan, nıkel, kobalt, korýnd, kúshála, olýnıt jáne basqalary. Oblys aýmaǵynda respýblıkadaǵy marganestiń 100 paıyzy, mystyń – 36, volframnyń – 80, molıbdenniń – 64, qorǵasynnyń – 54, kómirdiń 40-tan astam paıyzy (onyń ishinde kokstelgen kómirdiń 100 paıyz qory) shoǵyrlanǵan.
Oblys ónerkásip óniminiń 50 paıyzdan astamy «Qazaqmys» korporasııasy jáne «ArselorMıttal Temirtaý» kompanııalary sııaqty iri júıe quraýshy kásiporyndardyń úlesine tıesili.
Munan keıin sóz kezegin alǵan oblys ákimi Baýyrjan Ábdishev oblystaǵy áleýmettik-ekonomıkalyq damýdyń negizgi kórsetkishterine, ındýstrııalyq-ınnovasııalyq baǵdarlamanyń júzege asý jaıyna jáne Elbasy tapsyrmalarynyń oryndalýyna keńinen toqtaldy.
Sońǵy úsh jyl ishinde oblys ekonomıkasyna 787,9 mlrd. teńgeniń ınvestısııasy salynǵan, onyń ishinde sheteldik ınvestısııalar aǵymy 2010 jyldan beri 3 ese artqan.
– 46 ınvestısııalyq joba iske asyryldy (76 mlrd. 065,7 mln. teńge), 3,5 myńǵa jýyq jańa jumys oryndary quryldy. «Bıznestiń jol kartasy-2020» baǵdarlamasyn júzege asyrý barysynda 4 838 mln. teńge jumsaldy. Jobany júzege asyrý kezinde jalpy quny 63 mlrd. teńgeni quraıtyn 292 jobaǵa qoldaý kórsetildi, – dedi ákim.
Qaraǵandy oblysy boıynsha Turǵyn úı qurylysyn damytýdyń aımaqtyq baǵdarlamalaryn iske asyrý sheńberinde keıingi 4 jyl ishinde (2010-2013 j.j.) 976,3 myń sharshy metr turǵyn úı nemese 8 311 páter salynyp, paıdalanýǵa berilgen. Onyń ishinde memlekettik qarajat esebinen 247,7 myń sharshy metr turǵyn úı nemese 4 006 páter salynǵan.
Baspasóz máslıhaty kezinde oblys ákimine jýrnalıster tarapynan kóptegen ótkir suraqtar qoıyldy. Solardyń birqatary joldardyń jaǵdaıyna, aýyl halqynyń turmys-tirshiligine qatysty boldy. Máselen, jýrnalısterdiń biri jyl basynda oblys ákiminiń ózi basqaryp otyrǵan óńirdiń barlyq aýyldaryn aralap, olardyń jaǵdaıymen tolyq tanysamyn dep ýáde bergendigin eske sala kele, «Sol ýádeńizden shyqtyńyz ba, osy ýaqytqa deıin qansha aýylda boldyńyz?», – dep surady. Bul suraqqa oblys ákimi baıyppen jaýap berdi. Oblystyń kóliktik ınfraqurylymy temirjol, avtokólik, áýe kóligi, sondaı-aq avtojol salasyn qamtıtyndyǵyn, keıingi úsh jylda oblystyń júk aınalymynyń kórsetkishteri 1,5 ese, jolaýshylar tasymalynyń aınalymy eki ese artqandyǵyn, bul kórsetkishter boıynsha oblystyń respýblıkadaǵy aldyńǵy qatarda ekendigin aıtty. Sonymen qatar, oblystaǵy avtokólik joldarynyń jaǵdaıy máz emes ekendigin, osyǵan oraı jol jóndeý jumystarynyń qarqyn alǵandyǵyn, biraq oblystaǵy jol sapasynyń jaqsarýyna áli de biraz ýaqyt qajet ekendigin jetkizdi. О́ziniń oblystyń barlyq aýyldaryn aralap shyǵamyn degen ýádesin este ustap kele jatqandyǵyn, oblysta 400-den astam aýyl bar ekendigin, bir jylǵa taıaý ýaqyttyń ishinde sonyń 100-den astamynda bolǵandyǵyn jetkizdi.
Qaraǵandy oblysynda buqaralyq sporttyń damýy jaqsy jolǵa qoıylǵan deýge bolady. Sonyń nátıjesinde bul oblystan álemdik jetistikterge jetken elge tanymal sport juldyzdary kóptep shyǵýda. Máselen, Serik Sápıev bokstan Olımpıada chempıony atansa, Gennadıı Golovkın kásipqoı bokstan halyqaralyq qaýymdastyqtardyń eki nusqamasy boıynsha álem chempıony atanyp, osy ataqty laıyqty qorǵap keledi. Mine, osyndaı juldyzdy jigitterdiń sport salasynda jetken jetistikterin oblystaǵy jastarǵa patrıottyq tárbıe berý isine paıdalaný jaǵdaıy qalaı?
Bul suraqqa da oblys ákimi laıyqty jaýap berip, oblysta sport salasynda joǵary nátıje kórsetken jastarǵa qamqorlyqtyń bar ekenin aıtyp ótti.
Suńǵat ÁLIPBAI,
«Egemen Qazaqstan».
