Qazaqstan Respýblıkasy Parlamenti Senatynyń Tóraǵasy Qasym-Jomart Toqaevtyń Shveısarııaǵa jumys sapary jalǵasýda. Jenevada Q.Toqaevtyń BUU Bas hatshysynyń orynbasary, BUU Jeneva bóliminiń Bas dırektory qyzmetin aıaqtaýyna baılanysty birqatar sharalar ótti, dep habarlady osy palatanyń baspasóz qyzmeti.
Qazaqstan Respýblıkasy Parlamenti Senatynyń Tóraǵasy Qasym-Jomart Toqaevtyń Shveısarııaǵa jumys sapary jalǵasýda. Jenevada Q.Toqaevtyń BUU Bas hatshysynyń orynbasary, BUU Jeneva bóliminiń Bas dırektory qyzmetin aıaqtaýyna baılanysty birqatar sharalar ótti, dep habarlady osy palatanyń baspasóz qyzmeti.
Q.Toqaevtyń qurmetine «Vıktorııa Hol» konsert zalynda Shveısarııa Federaldyq úkimeti men Jeneva Kantony bıliginiń atynan saltanatty konsert boldy. Shara sondaı-aq jyl saıyn 24 qazanda atap ótiletin BUU kúnine arnaldy.
Sharada Qazaqstan ókiliniń jetekshiligi kezinde Jenevanyń halyqaralyq róli BUU eýropalyq shtab-páteri turǵysynda ǵana emes, kóptarapty dıplomatııanyń jahandyq ortalyǵy retinde de arta túskeni atap kórsetildi. Sonymen birge, bul kúnderi Q.Toqaev Qarýsyzdaný jónindegi konferensııanyń Bas hatshysy ýákilettigin de toqtatty. Onyń basshylyǵymen konferensııadaǵy ıadrolyq máseleler jónindegi pikirsaıystarda ilgerileýshilik aıqyndaldy.
Keshe Ulttar Saraıynda Q.Toqaev BUU-nyń Jeneva bóliminiń ujymy úshin resmı qabyldaý berdi jáne keńseniń aǵa qyzmetkerlerimen qorytyndy keńes ótkizdi. BUU kúni aıasynda Q.Toqaev Uıymnyń ardagerlerine adal qyzmeti úshin medaldar tabys etti.
BUU-nyń Jeneva keńsesinde álemniń 115 elinen 1500-den astam qyzmetker jumys isteıdi. Bólim BUU júıesiniń 90-nan astam túrli qurylymdaryn qoldaý isin qamtamasyz etedi, Irannyń ıadrolyq baǵdarlamalary, Sırııadaǵy jaǵdaı, Afrıkadaǵy aýmaqtyq daýlardy retteý jáne basqa da máseleler jónindegi kelissózderdi qosqanda jyl saıyn keńse ótkizgen konferensııalar men kezdesýlerdiń sany 10 myńnan asqan.
Shveısarııalyq buqaralyq aqparat quraldary, dıplomatııalyq korpýs, sondaı-aq, jergilikti qoǵam Q.Toqaevtyń Jenevadaǵy jumysy týraly ystyq yqylastaryn bildirip, ol óziniń belsendi jáne kásibı qyzmetimen BUU-nyń ámbebap sıpattaǵy balamasyz erekshe halyqaralyq uıym retindegi eń úzdik kelbetin pash etkenin atap ótti. Belgili dıplomat, elshi Fransýa Nordmann tanymal shveısarııalyq «Le Temps» gazetinde Q.Toqaev týraly «Ulttar Saraıyndaǵy kúndelikti isterdi basqarýda jáne BUU-nyń Jenevadaǵy ákimshilik organdarynyń jumystaryna jetekshilik ete otyryp, únemdeý jáne jańashyldyq baǵdarlamasyn iske asyrýda shyn mánindegi menedjerlik qabilet-qarymyn kórsetti», dep jazdy. Maqala avtorynyń pikirinshe, Bas dırektor BUU-nyń Jeneva jáne Shveısarııa bıligimen aradaǵy qatynastaryn nyǵaıtý jónindegi jumystardy tabysty júzege asyryp, jergilikti qoǵamdyq ómirge belsendi túrde qatysty.
Qazaqstannyń BUU-nyń Jenevadaǵy Bólimi janyndaǵy Turaqty ókildigi jenevalyq dıplomatııalyq qoǵamdastyqqa BUU Bas hatshysy orynbasarynyń elge oralý rásimine baılanysty resmı qabyldaý berdi.
Jenevada, sonymen birge, Q.Toqaevqa «MMHQI (MGIMO) túlekteri assosıasııasynyń qurmetti múshesi» keýde belgisin tabys etýdiń resmı saltanaty boldy. Odan basqa, Halyqaralyq Jasyl Krestiń prezıdenti Aleksandr Lıhotal Q.Toqaevqa osy uıymnyń maqsattary men mindetterin iske asyrýdaǵy zor úlesi úshin dıplom jáne kúmis medal tabys etti.
