2020 jyldyń 25 tamyzynda 08 saǵat 15 mınýtta Jaqsybulaq stansasynda (Shyǵys Qazaqstan oblysy, Aıagóz aýdany) qatty jeldiń saldarynan stansada turǵan júk vagondary ózdiginen oryndarynan qozǵalyp, kelip qalǵan №3471 júk poıyzyna qarsy jyljı bastaǵan. Sóıtip, soqtyǵysyp qalǵan.
Soqtyǵys nátıjesinde 1525 km lokomotıv pen 23 vagon relsten shyǵyp ketip, lokomotıvten órt shyqqan. Opat bolǵandar men zardap shekkender joq. Oqıǵa oryn alǵan jerge Balqash, Aqtoǵaı stansalarynan qalpyna keltirý jáne órt sóndirý poıyzdary jóneltildi. Oqıǵanyń sebep-saldaryn tekserý úshin arnaıy komıssııa jolǵa shyqty.
Sonymen qatar, oqıǵa saldarynan "Nur-Sultan Nurly jol – Dostyq" qatynasyndaǵy №54 poıyzdyń keshigip keldi. Atalǵan poıyz jolaýshylarynyń jol júrý qujattarynda (bıletterde) kórsetilgen mejeli jerlerine jetýi úshin avtobýstarmen tasymaldaý uıymdastyrylýda.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
