Murat Áıtenov Samal-3, Asar-2 shaǵyn aýdandarynda salynyp jatqan 1200 oryndyq úsh mekteptiń qurylysyn aralap kórdi.
Búginde atalǵan bilim nysandarynyń qurylys-montajdaý jumystarynyń 90 paıyzy aıaqtalǵan. Bul jumystarǵa jalpy 200-den astam qurylysshy tartylyp otyr. Mektepter qyrkúıek aıynda paıdalanýǵa beriletin bolady.
Aralaý barysynda qala ákimi paıdalanýǵa tapsyrylǵan nysandardyń kepildik merzimi aralyǵynda paıdalaný kezindegi sapasyna júıeli túrde monıtorıng júrgizýdi tapsyrdy.
Aıta keteıik, bıyl qalada 13 mektep pen 2 óner mektebiniń qurylysy júrgizilýde. Jyl sońyna deıin 8 mektep paıdalanýǵa berilse, 5 mekteptiń qurylysy 2021 jyly aıaqtalady dep josparlanýda. Sonyń nátıjesinde, apatty mektepter sany 2-den 1-ge, úsh aýysymdy mektepter sany 19-dan 14-ke azaıady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
