Koronavırýs • 25 Tamyz, 2020

Qazaqstandyq ekpe keleshegi zor 200 vaksına qatarynda

239 ret kórsetildi

The Washington Post basylymy Qazaqstanda ázirlengen COVID-19-ǵa qarsy vaksınany keleshegi zor eksperımenttik 200 vaksına tizimine qosty, dep habarlaıdy Egemen.kz QazAqparatqa silteme jasap. 

The Washington Post-ta jarııalanǵan saraptamaǵa sáıkes, Qazaqstan Respýblıkasy "Bıologııalyq qaýipsizdik problemalary ǵylymı-zertteý ınstıtýty" RMK ázirlegen koronavırýs ınfeksııasyna qarsy vaksına keleshekte búkil álemdi jaılaǵan indetti jeńýge kómek bere alatyn eksperımenttik 200 vaksına tizimine qosylǵan. The Washington Post qazaqstandyq vaksınany ázirleýge uzaq ýaqyt ketetin álsiz jáne ınaktıvtelgen vırýstyq vaksınalar sanatyna qosyp otyr. Biraq bul vaksınanyń tıimdiligine áser etedi degen sóz emes.

"Iá, vaksınanyń bul túrin ázirleý barysynda barynsha eskirgen ádis qoldanylady. Ol kezde vırýs álsireıdi. Sondyqtan ol aýrý týdyrmaıdy. Biraq, aǵzanyń ımmýndyq júıesinde qorǵanys tetigin iske qosady. Qyzylshaǵa, epıdemıologııalyq parotıtte jáne qyzamyqqa qarsy vaksınada dál osy ádis qoldanylady. Inaktıvtelgen vırýstyq vaksınada adamdarǵa juǵýǵa qabiletsiz, alaıda ımmýndyq júıege ınfeksııaǵa qarsy qorǵanys reaksııasyn qalaı uıymdastyrýdy kórsete alatyn óli vırýstar bolady. Bul ádisti amerıkalyq vırýsolog Djonas Solk polıomıelıtke qarsy vaksına ázirleý barysynda qoldanǵan. Atap óterligi, Solk vaksınasyn qoldanǵannan keıin AQSh-ta balalar arasyndaǵy polıomelıtke shaldyǵý 96 paıyzǵa tómendedi. Sonymen qatar bul ádis tumaýǵa qarsy vaksınany ázirleý barysynda da qoldanylady", dep jazady The Washington Post.

Basylymnyń atap ótýinshe, qazirdiń ózinde koronavırýsqa qarsy 170-ten astam vaksına zerthanalarda janýarlarǵa, 7 vaksına deni saý jas adamdarǵa, 12 vaksına táýekel tobyna kiretin adamdarǵa salynyp, synqtan ótip jatyr. Munan bólek, taǵy 7 vaksına tıimdiligi men qaýipsizdigin anyqtaý úshin 1 myń adamǵa salynǵan.

О́kinishke qaraı, ázirshe bir de bir vaksına tolyqqandy qoldaný úshin maquldanǵan joq. Esterińizge sala ketsek, 2020 jyldyń 26 shildesinde qazaqstandyq vaksınanyń 5 ázirleýshisi tiri vırýspen jumys isteý barysynda qaýipsizdigin qamtamasyz etý úshin erikti túrde vaksınany ózderine synady. QR Densaýlyq saqtaý mınıstrliginen ruqsat alynǵannan keıin 2020 jyldyń 20 qyrkúıeginde Almaty qalasyndaǵy klınıkanyń bazasynda COVID-19-ǵa antıdenesi joq 44 eriktige klınıkalyq synaq (I faza) bastalýy tıis. 2020 jyldyń qazan aıynyń ortasynda Dúnıejúzilik densaýlyq saqtaý uıymynyń talaptaryna saı keletin 200 eriktige klınıkalyq synaq ótkizýdiń II fazasyna shyǵý josparlanǵan.

Klınıkalyq synaqtyń II fazasy 2020 jyldyń jeltoqsan aıynda aıaqtalmaq. Aıta ketken jón, Bıologııalyq qaýipsizdik problemalary ǵylymı-zertteý ınstıtýty ázirlegen Covid-19 qarsy ekinshi vaksına Dúnıejúzilik densaýlyq saqtaý uıymynyń saıtyna tirkelgen bolatyn. COVID-19 vaksınasyn jasaý boıynsha jumystardyń barysyna qyzyǵýshylyq tanytqan azamattar DDSU veb-saıtynda vaksınaǵa úmitkerler týraly jalpy sholýdy oqı alady.

Aldyn ala boljamǵa sáıkes, Qazaqstanda koronavırýsqa qarsy vaksına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medısına qyzmetkerlerine salynady. Vaksına alatyndardyń boljamdy sany - 2 347 000 adam.

 

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Elbasy jáne Qazaqstan armııasy

Elbasy • 07 Mamyr, 2021

Uqsas jańalyqtar