Ekibastuzda kremnıı zaýyty salynady

Qazirgi ýaqytta jobalyq-sme­talyq qujattama ázirlenýde, jaqyn arada qoǵamdyq tyńdaýlar ótkizý josparlanyp otyr. Inves­torlardyń aıtýynsha, jalpy quny 100 mln dollar bolatyn kásip­oryndy 2023 jylǵa qaraı toly­ǵymen paıdalanýǵa berý josparlanyp otyr. Birinshi kezeńde jylyna 35 myń tonnaǵa deıin tehnıkalyq kremnıı óndiriletin bolady, ekinshi kezeń óndiris kólemin jylyna 70 myń tonnaǵa deıin ulǵaıtýǵa múmkindik beredi. Budan basqa kásiporyndy 105 myń tonnaǵa deıin keńeıtý perspektıvasy bar.

«Qazirgi ýaqytta bul jobany qan­daı faktorlar basqa zaýyt­tar­dan erekshelendiretini bel­gili. Teh­­nı­ka­lyq kremnııdi óndi­rý ke­zin­de buryn Qazaqstanda qol­da­nyl­­­­maǵan qorshaǵan ortany qor­ǵaý­­­dyń ozyq tehnologııalary paıdalanylady. Kompanııanyń negizgi erek­sheligi – joǵary deńgeıdegi shıki­­­zatty paıdalaný. Bul joǵary teh­­­no­­logııa tutynýshylardyń ta­lap­­­­taryna sáı­kes joǵary sapa­ly da­ıyn ónimge áke­ledi. Bul ónim to­­lyq eksport­qa baǵdar­la­na­­dy. Sondaı-aq zaýyt óziniń rek­­­rea­sııa­­lyq aımaǵy­men, jasyl je­­lek­­­termen, toǵan­men jab­­­dyq­­tala­dy. Qyz­­met­ker­ler úshin ıoga or­­ta­­lyǵy já­ne emdeý-saýyq­tyrý ke­­she­ni sa­lynady», dedi kompa­nııa­­­nyń bas dı­rekt­ory Panıgrahı Bhakta.

Jańa zaýyttyń qurylysy aımaqtaǵy TMK salasyn damytýǵa úlken serpin beredi. О́ndiris salyq bazasyn keńeıtedi, eksporttyq áleýetti arttyrady jáne ekonomı­kany ártaraptandyrýǵa oń áser etedi. Daıyn ónim Qazaqstan úshin jańa taýashalardy ıgerýge tehnologııalyq múmkindikter asha­dy. Kún panelderin, elekt­ronı­kanyń jańa túrlerin, qoryt­palardy jáne t.b. óndirý múm­kindigi paıda bolady.

«Bastapqy kezeńde kompanııa 377 adamdy jumyspen qam­ta­ma­syz etedi. Jergilikti turǵyn­dar­dy ǵana emes, sonymen qatar eli­­mizdiń basqa óńirlerinen ma­man­­­dardy da tartý jos­parlanyp otyr. О́n­diristiń damýymen ju­mys oryn­darynyń sany da artady. In­ve­s­torlar alǵashqy paıdany ón­diris iske qosylǵannan keıin bir­neshe jyldan keıin ǵana alady. Zaýyt áli salynbaǵanyna qaramas­tan, kom­panııa ınvestısııa­laý sa­ty­­syn­da tursa da, «ANSA Silicon» JShS qala ómirine bel­sendi qatysýda», dep habarlady «KAZAKH INVEST» UK» AQ Pav­­lodar oblysy boıynsha aı­maq­tyq dı­rek­tory Mádııar Danııarov.

Ulttyq kompanııanyń óńirlik dırek­­tory­nyń aıtýynsha, osy jyl­­­dyń aqpan aıynda kompanııa «Eki­­bastuz qala­syndaǵy aýtıst bala­lar­dyń ata-ana­lary­nyń bir­les­tigi» qoǵamdyq birlestigi­men jáne «Erek­she úı» balalardy ońal­­tý or­ta­lyǵymen kelisimshart jasasqan.

«Bizdiń uıymnyń qyzmetin qoldaýǵa sheteldik demeýshiler 19 mln teńgeden astam qarajat bóldi. Endi ortalyq 2020 jyly 120 balany tegin ońaltýmen qamtamasyz ete alady, sondaı-aq sensorlyq yn­ta­landyrý úshin apparattar sa­typ ala alady. Investorlar ákim­dik­pen birlesip, erekshe qajet­tilik­teri bar balalardyń damýy úshin barlyq jaǵdaıdyń bolýyna kúsh-jigerin salady. Sondaı-aq mamyr aıynda Ansa Silicon qol­daýy­men ǵımarattyń shatyry jón­deý ju­mystarynan ótti», dedi «Erekshe úı» balalardy ońaltý or­ta­ly­ǵynyń jetekshisi Adına Seıitova.

«Ansa Silicon» JShS COVID-19 pan­demııasyna baılanysty kómek qoryna 1 mln teńge kóle­min­de úles qosty. Sonymen qatar kompa­nııa ókilderi eki apta­lyq úı karan­tıninde bolǵan pasıentterge 150 kılodan astam et tarat­ty. Bola­shaqta zaýyt qalany áleý­met­t­ik qamtamasyz etýge qomaqty qarajat salýdy josparlap otyr. Den­saýlyq saqtaý, bilim berý, sanı­tarııa jáne t.b. salalaryn damy­týǵa ar­nalǵan shyǵys­tar josparlanǵan.