Jeke jarystyń kezekti kezeńine komandalardyń ekinshi ekıpajdary qatysty. Qazaqstandyq tankishiler trassadan senimdi ótip, atys shebindegi barlyq nysanaǵa qol jetkizip ekinshi orynǵa ıe boldy. Tank bıatlony úshin arnaıy daıyndalǵan jaýyngerlik mashınada óner kórsetetin reseılik ekıpaj ǵana qazaqstandyq jaýyngerlerdi basyp oza aldy. Sondaı-aq oǵan qashyqtyqty ótý kezinde belgili bir artyqshylyq berdi.
Qyrǵyzstan men О́zbekstannan kelgen tankishiler bizdiń ekıpajben bir kezdesýde óner kórsetip, úshinshi jáne tórtinshi oryndarǵa jaıǵasty.
Elimizdiń tankishileri úshin jeke jarys kezeńi 27 tamyzda aıaqtalady. Al, jartylaı fınalǵa shyǵý úshin komandalardyń úshinshi ekıpajdary ózara kúresti jalǵastyrady.
Esterińizge sala keteıik, Máskeý mańyndaǵy "Alabıno" polıgonynda "ArHO – 2020" jalǵasýda. Keshe qazaqstandyq tankishiler ekıpajdyń jeke jarysynda ekinshi orynǵa taban tiredi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
