"Tótenshe jaǵdaı kezinde bizdiń eriktiler barlyq zeınetkerge, Uly Otan soǵysynyń ardagerlerine, tyl ardagerlerine kómek kórsetti. Olarǵa azyq-túlik sebetteri jetkizilip, medısınalyq maskalar tegin taratyldy. Kóp qart adamdar dəri-dərmek satyp alý úshin úılerinen shyǵa almaıdy. Olarǵa dəri-dərmekterdi tabýǵa jəne satyp alýǵa kómek kórsetildi. Qalanyń 53 núktesinde zeınetaqylardy rəsimdeý kezinde bizdiń eriktiler kezekterdi rettep, tegin medısınalyq maskalar men qol oramaldaryn taratýmen aınalysqan. Sebebi zeınetkerler kóp jaǵdaıda zeınetaqylaryn eskishe ədispen kartada emes, qolma-qol alady", dedi "Astana jastary" basshysy Shyńǵys Tileýlın.
"Astana jastary" kómek kórsetetin zeınetkerlerdiń tizimi ardagerler keńesinde nemese əkimdikter janyndaǵy oblystyq əleýmettik qorǵaý basqarmalarynda beriledi. Búgingi tańda eriktiler qart adamdarǵa əleýmettik kómek alýǵa ótinish toltyrýǵa kómektesýde.
"Kóptegen zeınetker fızıkalyq múmkindikterine baılanysty ótinish bere almaıdy. Məselen, Baıqońyr aýdanynda kómekke muqtaj zeınetkerler kóp. Bizdiń eriktiler uıym usynǵan tizimge səıkes mekenjaıǵa kelip, zeınetkerlermen birigip ótinish toltyrady. Osydan keıin ótinish jumyspen qamtý bólimimen jumys isteıtin uıymdarǵa beriledi", dedi Sh.Tileýlın. "Astana jastary" jastar resýrstyq ortaly ǵynyń eriktiler bólimi 2014 jyly ashylǵan. Qazirgi ýaqytta məli metter bazasynda eriktiler mektebinde arnaıy daıyndyqtan ótip jatqan 2 myń erikti jumys isteıdi.
