Álem avtorlary men túrli baspalardyń basyn qosatyn aýqymdy shara qalanyń mádenı oshaqtarynyń biri – «Manej» ortalyq kórme zalynda ótedi. Qazirgi zamanaýı ádebıettegi jańa týyndylar, leksııa, dıskýssııalyq otyrystar, tanymal jazýshylarmen kezdesýler hám kitap shyǵarý isindegi aqyldasýlar – erteńgi jármeńkeniń bir bóligi ǵana. Aıta keteıik, halyqaralyq kitap jármeńkesi onlaın jáne offlaın formatynda ótkiziledi. Jospardaǵy áıdik avtorlar karantındik sharalarǵa baılanysty oqyrmandarmen qashyqtan áńgime órbitpek.
Bıylǵy kitap jármeńkesiniń arnaıy qonaǵy Ońtústik Koreıa Respýblıkasy eken. Jáne olar ádebıet meıramyna onlaın túrde de qatysa alady. Baıqaýymyzsha, kitap jármeńkesi uzaq ýaqytqa sozylǵan qatań karantınnen keıingi ómirdiń aqyryndap qalypqa kele bastaýyna yqpal etetin sııaqty.
Kúzdiń basyn ala álemniń túkpir-túkpirinen Máskeýge qaraı aǵylatyn mádenı jurttyń qatarynda bizdiń «Follıant» baspasy da bar edi. Alaıda, osy jyly karantınge baılanysty qazaqstandyq baspa qatysa almaıdy. Tek «Follıanttyń» Máskeýdegi ókilderi jármeńkege atsalyspaq.
33-ret ótkizeletin Máskeý halyqaralyq kitap jármeńkesi 6 qyrkúıekke deıin sozylady.
