Jumys sapary "Qazaqstan Aselsan Injınırıng" JShS-ny aralaýdan bastaldy, onda QR Úkimetiniń tapsyrysy boıynsha otandyq О́JJ apparattary jasalýda. Kásiporynda 31 tamyzǵa deıin 750 О́JJ apparatyn, 20 qyrkúıekke deıin qosymsha 750 birlik О́JJ apparatyn jasap shyǵarý josparlanǵan. Bul apparattar jergilikti medısınalyq personaldy oqytýmen qosa, elimizdiń 297 aýrýhanasynda ornatylady. Kepildi servıstik qyzmet kórsetý 37 aıǵa deıin bolady.
Sonymen qatar "Qazaqstan Aselsan ınjınırıng" JShS bazasynda dene qyzýyn qashyqtan ólsheýge arnalǵan otandyq teplovızorlardy óndirý múmkindigi qarastyrylýda. Sondaı-aq E. Toǵjanov "Bolashaq 2019" JShS-de boldy, munda aıyna 2 mln-ǵa deıin maska shyǵaratyn óndiristik qýaty bar medısınalyq maska óndirisi jolǵa qoıylǵan.
E.Toǵjanov óndiristik kásiporyndardyń jumysyna oń baǵa berip, úkimet otandyq óndirýshilerdi jan-jaqty qoldaıtynyn atap ótti. Buǵan qosa QR Premer-Mınıstriniń orynbasary Ulttyq ǵylymı onkologııalyq ortalyq qurylysy barysymen jáne onkologııa boıynsha jobalyq keńseniń jumysymen tanysty. Bul ortalyq bolashaqta azamattarǵa qaterli isikterdi erte dıagnostıkalaý jáne emdeý boıynsha joǵary bilikti jáne joǵary tehnologııalyq medısınalyq kómek kórsetýge múmkindik beredi.
Vıse-Premer bul ortalyqtyń ulttyq deńgeıde onkologııalyq kómek kórsetýdiń ıntegrasııalanǵan modelin qurýda, alǵashqy medısınalyq-sanıtarlyq kómek, onyń ishinde barlyq óńirlik onkologııalyq ortalyqtar men alty joǵary tehnologııalyq radıasııalyq onkologııalyq ortalyqtardy úılestirýshi bolatynyn atap ótti. Sondaı-aq kadrlardy, dárigerler men tehnıkalyq personaldy (medısınalyq tehnıkter) daıarlaý mindeti qoıyldy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
