Elorda • 27 Tamyz, 2020

Elordada 2 jańa eko-park paıda bolady

176 ret kórsetildi

Nur-Sultanda eki ekologııalyq saıabaq salynady. Bul týraly Nur-Sultan qalalyq sáýlet, qala qurylysy jáne jer qatynastary basqarmasy habarlady. Sonyń biri Taldykól kóliniń janynda bolady. Josparlanǵan aýmaq qalanyń ońtústik-batys bóliginde ornalasqan. Onyń aýmaǵy 5700 gektardy quraıdy, dep habarlaıdy Egemen.kz

Sondaı-aq aýmaq boıynda bolashaq bıologtar men ornıtologtar úshin kórý alańdary men eksklıýzıvti bilim berý ortalyqtaryn salý josparlanýda. Osylaısha, ınfraqurylymdy qurý kezinde Taldykól saıabaǵy ekologııalyq týrızmdi damytý ortalyǵyna aınalýy múmkin.

"Astana bas jospary" ǴZJI" JShS qyzmetkerleri Qazaqstannyń bıoalýantúrliligin saqtaý qaýymdastyǵymen birge Ulybrıtanııadaǵy áriptesterimen birlese otyryp Londonnyń batpaqty sý aıdyny ortalyǵy, Rainham Marshes tabıǵı parki, Shervýd ormany, Minsmere Reserve qoryǵy úlgisinde tabıǵı saıabaqtardy jobalaý men salýdaǵy halyqaralyq tájirıbeni zerttep, jetekshi ornıtolog mamandarmen kezdesýler ótkizdi. Tabıǵı saıabaqtyń qurylýy Qyzyl kitapqa engen janýarlar men sırek kezdesetin qustardyń tabıǵı ortasyn saqtaýǵa múmkindik beredi.

Taldykól – tarıhı mańyzǵa ıe ornıtologııalyq aımaq. Maýsymdyq qonys aýdarý kezeńinde kólde jáne oǵan jaqyn jerlerde qustardyń 200-ge jýyq túrlerin kórýge bolady. Olardyń arasynda pelıkan, aq quıryq, suńqyldaq aqqý, aq quıryqty búrkit bar. Botanıkalyq zertteýler nátıjesinde kólderge irgeles jerlerde 98 ósimdik túri tirkeldi.

Maıbalyq kólindegi ekinshi ekoparkte sol sııaqty tartymdy oryn bolmaq (áýejaı baǵytynyń ońtústik-shyǵys jaǵy). Onyń jalpy aýdany – 400 gektar, sý qoımalary – 120 gektar. Saıabaq kesheninde balyq aýlaýǵa arnalǵan jasandy sý qoımalary, erekshe qorǵalatyn jaǵalaý aımaqtary, serýendeý jáne velosıped joldary, sporttyń belsendi túrleri úshin aımaqtar jáne aýmaqtyń biregeı ekojúıesin saqtaýǵa arnalǵan alańdar qurý qarastyrylǵan.

Týrısterdi janýarlar dúnıesiniń alýan túrimen tanystyrýǵa arnalǵan ekologııalyq marshrýttar men soqpaqtar jasaý josparlanýda.

Maıbalyq kólinen shyǵysqa qaraı ornalasqan aýmaqta týrıster men qala turǵyndary úshin tartymdy zamanaýı tabıǵı aımaq uıymdastyrýdyń áleýeti joǵary. Usynylyp otyrǵan aımaq barlyq tabıǵı erekshelikterdi – klımatty, florany, faýnany eskere otyryp, ekologııalyq park qurýǵa qolaıly. Bul terrıtorııada ósimdikterdiń 100-ge jýyq túri ósedi, qustardyń 200-den astam túri tirshilik etedi. Onyń ishinde uıa salatyn jáne jyl qustary, sútqorektilerdiń 30-dan astam túri bar. Bul aýdanda balyq ósirý josparlanyp otyr. Saıabaqta balyq meıramhanasy jumys isteıdi. Saıabaqtyń ereksheligi – munda mekendeıtin janýarlar men qustardyń erkin jaǵdaıda jáne jergilikti tabıǵat zonasyna tán bolýy.

At sporty klýbyn ashý josparlanýda. Bul degenimiz, saıabaq aýmaǵyn at ústinde aralaýǵa bolady. Maıbalyq kóliniń aýmaǵy erekshe qorǵalatyn aımaq bolady. Odan shyǵatyn arnalar "tiri arterııalar" sııaqty barlyq azamattarǵa kólge emin-erkin jetýge múmkindik beredi. Bolashaqta orman saıabaǵy qarqyndy damyp kele jatqan qalanyń jasyl ortalyǵyna aınalady. Bul elordanyń jasyl kapıtal ıdeıasyn jalǵastyrý úshin mańyzdy qadam.

Qazaqstandyq bıoalýantúrlilik qaýymdastyǵy jobaǵa saraptamalyq qoldaý kórsetedi. Qajet bolsa, sheteldik mamandar tartylady. Qaýymdastyq pen RSPB qyzmetkerleri bıologııalyq jáne landshafttyq ártúrlilikti túgendeýge baǵyttalǵan birqatar ǵylymı zertteýler júrgizedi. Olardyń jumysynyń nátıjeleri ekologııalyq parkti qurýdyń kelesi kezeńderine negiz bolady.

Nurlan Ýranhaev, sáýlet, qala qurylysy jáne jer qatynastary basqarmasynyń basshysy:

"Búginde qala "Nur-Sultan – jaıly qala" bas jospary aıasynda damyp keledi. Osy qujattyń mindetteriniń biri – elorda turǵyndary men qonaqtarynyń jaılylyǵy úshin tartymdy ortalyqtar quryp, ishki týrızmdi damytý. Osyndaı eko-parkter Nur-Sultannyń jasyl beldeýin qalyptastyrý jobasyna sáıkes keledi jáne demalýshylardyń súıikti ornyna aınalýy múmkin. Jobanyń tujyrymdamasy – barlyq bıoalýantúrlilik pen tabıǵı kórinistermen belgili bir qorǵalatyn aýmaq qurý. Ekologııalyq týrızmdi at marshrýttaryn qura otyryp damytý josparlanýda. Osy maqsatta saıabaqtyń qonaqtary úshin arnaıy soqpaqtar jasalady", deıdi ol.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar