"BUU Damý baǵdarlamasynyń aıasynda kóppáterli bes turǵyn úıge kúrdeli jóndeý jumystary júrgizilip jatyr. Onyń úsheýin jóndeý aıaqtaldy. BUUDB jumystary qandaı da bir tólemsiz júzege asyrady. Pılottyq jobamen Pýshkın-Jubanov kósheleriniń qıylysynda ornalasqan úıler jóndelýde", deıdi elorda ákimi Altaı Kóliginov.
Qala ákiminiń aıtýynsha, úıdi jylytý, qasbetin jóndeý, tereze, esikterdi aýystyrý, LED-jaryqtandyrý, kireberisterdi jóndeý, jylytý júıeleriniń qubyryn jańartý boıynsha jumystar júrgizilip, avtomattandyrylǵan jylý pýnktteri ornatylatynyn atap ótti.
Sondaı Altaı Kóliginov: "Bul jumystar úıdiń jylý shyǵynyn edáýir azaıtady. Turǵyndar úshin jylýdyń ortasha jyldyq shyǵyny shamamen 2 ese azaıady. О́ıtkeni, syrtqy aýa datchıkteriniń arqasynda avtomattandyrylǵan jylý pýnktteri aýa-raıyna baılanysty rettelip otyrady. Al turǵyndar paıdalanylǵan jylý energııasynyń aýqymyna baılanysty tóleıdi. Sonymen qatar, júrgizilgen jóndeý jumystary turǵyndarǵa qyzmet kórsetetin uıymnyń shyǵyndaryn azaıtýǵa múmkindik beredi", deıdi elorda ákimi.
Budan bólek, turǵyn úılerge kúrdeli jóndeý jumystaryn "Nurly jer" turǵyn úı-kommýnaldyq damý memlekettik baǵdarlamasy men "Jumyspen qamtýdyń jol kartasy" boıynsha júrgiziledi. Bıyl 50-den astam kóppáterli turǵyn úı kesheni jóndeledi, sonymen birge 130-dan asa lıftini jóndeý jáne aýystyrý bastaldy. Atqarylyp jatqan jumystar legi turǵyndarǵa tıimdi bolatynyn tilge tıek etti.
