Erjan Babaqumarov Almatyda pandemııanyń jańa tolqyny bolǵan jaǵdaıda Jedel medısınalyq qyzmet qanshalyqty qaýqarly? Osy suraqqa jaýap izdegen ákim orynbasary salanyń jumys josparymen tanysty.
Qoǵamdyq densaýlyq saqtaý Basqarmasynyń basshysy Kamaljan Nadyrovpen birge qalalyq Jedel járdem qyzmetiniń jumysyna sholý júrgizdi.
Basty mindet koronavırýs ınfeksııasy pandemııasynyń bolýy múmkin jańa tolqynyna daıyndyqty tekserý.
Jumys toby COVID-19 jaǵdaıynda kómek kórsetýdi uıymdastyrý Algorıtminiń oryndalýymen tanysty.Jekeleı alǵanda, koronavırýs ınfeksııasyna kúdikti naýqasqa baǵyt berý, aýrýhanaǵa jatqyzý erejelerin saqtaý, shaqyrtýlardy jedel óńdeýdi qamtamasyz etý, dezınfeksııa júrgizý jáne t. b.
"Qazirgi ýaqytta 11 qosalqy stansııada 180 brıgada, 3 myńnan astam qyzmetker, dáriger, fellsher men júrgizýshi qyzmet etýde. Barlyq mamandar jeke qorǵanys quraldarynyń jetkilikti mólsherimen qamtamasyz etilgen.Koronavırýs ınfeksııasynyń jańa tolqyny bolatyn bolsa, biz 103 jelilerin 30-dan 50-ge deıin, qońyraýlardy qabyldaıtyn feldsherler sanyn12-den 22-ge deıin, al brıgadalar sanyn 220-ǵa deıin kóbeıtemiz", Almaty qalalyq jedel medısınalyq kómek qyzmetiniń Bas dárigeri Birjan Ospanov.
Sonymen birge koronavırýs aýrýy órshigen kezde jedel medısınalyq qyzmettiń áreketiniń Algorıtmi jasaldy. Áreket etý jospary, úsh mańyzdy ssenarıı bar, sol boıynsha medısına qyzmetkerleri koronavırýs ınfeksııasy jaǵdaıyna qaraı áreket etetin bolady. Barlyq medısına qyzmetkerleri tıisti oqýdan ótti.
Jedel medısına kólikterin salqyn býlandyrý generatory tásilimen dezınfeksııalaýǵa erekshe kóńil bólinýde.
Qala turǵyndaryna keńes berý úshin 3000-505 nómiri boıynsha arnaıy Call-ortalyq jumys isteıdi. Qosymsha kúsh 103 jelisiniń jumysyn jeńildetip, shuǵyl qońyraýlarǵa der kezinde jaýap berýge múmkindik beredi. JMKQ málimetteri boıynsha,KVI boıynsha shaqyrtýlardyń azaıǵany baıqalady.
Almaty qalasy ákiminiń orynbasary Erjan Babaqumarov Jedel medısınalyq kómek qyzmetiniń ujymyna pandemııamen kúreske kúndelikti qosyp júrgen úlesteri úshin alǵys aıtty. JMKQ basshylyǵyna qala halqynyń densaýlyǵy men ómirin qorǵaý josparyn júzege asyrý aıasynda belgilengen sanıtarlyq-epıdemııalyq qaýipsizdik talaptaryn erekshe baqylaýda ustaý tapsyryldy.
