Tusaýy kesilgenine nebári bir jyl tolǵan Astana qalasyndaǵy «Áziret Sultan» meshiti kóptegen irgeli sharalarǵa muryndyq bolyp, kópshiliktiń yqylasyna bólenip kele jatqany málim. Meshittiń bas ımamy, naıb múftı Qaırat Joldybaıulynyń tikeleı basshylyǵymen qolǵa alynyp, iske qosylǵan taǵy bir qýanyshpen bóliskimiz keledi.
Elimizde qalyptasqan dinı ahýaldy jaqsartýdyń birden-bir joly – dinı úgit-nasıhat ekeni kópten aıtylyp kelgen.
Tusaýy kesilgenine nebári bir jyl tolǵan Astana qalasyndaǵy «Áziret Sultan» meshiti kóptegen irgeli sharalarǵa muryndyq bolyp, kópshiliktiń yqylasyna bólenip kele jatqany málim. Meshittiń bas ımamy, naıb múftı Qaırat Joldybaıulynyń tikeleı basshylyǵymen qolǵa alynyp, iske qosylǵan taǵy bir qýanyshpen bóliskimiz keledi.
Elimizde qalyptasqan dinı ahýaldy jaqsartýdyń birden-bir joly – dinı úgit-nasıhat ekeni kópten aıtylyp kelgen. Al qazir halyqqa kózben kórip, qulaqpen estıtin aýdıo jáne vıdeo ónimderdiń tıimdi ekenin eskersek, jalpaq jurttyń dinı saýatyn kóterýge qyzmet etetin zamanaýı stýdııa ashý kún tártibindegi ózekti másele bolatyn.
Endi, mine, kópten kútken aýdıo jáne tele stýdııa Astana qalasyndaǵy «Áziret Sultan» meshitinde jabdyqtalyp, ashylyp otyr.
Halyqty asyl dinimizge danalyqpen, tereń bilimmen shaqyrýǵa bastama bolsyn degen nıetpen bul stýdııaǵa «Hıkmet» degen at qoıylypty. Stýdııada ázirlengen ún taspalar men beıneónimder búkil Qazaqstan halqynyń durys dinı saýatyn ashýǵa mol úles qosady dep kútilýde. «Hıkmette» ázirlengen dinı baǵdarlamalar birinshi kezekte memlekettik telearnalarda jáne arnaıy ashylyp jatqan «HIKMET.TV» ınternet portalynda kórsetiledi dep josparlanýda.
Sondaı-aq, «Hıkmet» stýdııasynyń ónimderin mol taralymmen kóbeıtýge arnalǵan eń sońǵy úlgide jasalynǵan arnaıy dısk kóbeıtkish dýblıkator alynyp iske qosyldy.
Búgingi tańda osy dýblıkatorda kóbeıtilgen aýdıo jáne vıdeo ónimderdi meshit jamaǵatyna, stýdentterge jáne elimizdiń túkpir-túkpirindegi aýyldarǵa taratý isi bastalyp ketti. Iske sát! Alla jańa ashylǵan stýdııa jumysyna bereke bersin!
