Qazaqstandyq ekıpaj jartylaı fınalda

Úshinshi ekıpajdyń óner kórsetýimen Qa­zaq­stan, Qyrǵyzstan, Reseı jáne О́z­bek­stan komandalary úshin jeke jarys aıaqtaldy.

Bul jarysta da aldyńǵy kezeńdegideı qazaqstandyq komanda ekinshi ýaqytty kór­set­ip, tek reseılik tankishilerge ese jiber­di. Úshinshi orynǵa О́zbekstan, tórtinshi orynǵa Qyrǵyzstan komandalary jaıǵasty.

Qazaqstannan kelgen jaýyngerler barlyq úsh synda trassadan ótý kezinde joǵary jyldamdyqty, sonymen qatar maqsattardyń dálme-dál oryndalýy men ekıpajdardyń úılesimdi jumysyn kórsetti. Bizdiń komandanyń qarsylastary Ázerbaıjan, Belarýs, Qytaı jáne Serbııa komandalarynyń qorytyndy kezdesýlerinen keıin anyqtalady. О́z kezeginde qazaqstandyq jaýyngerler jartylaı fınaldyq estafetada óz sheberlikterin kórsetýi kerek. Onda ekıpajdar kezekpen trassadan ótedi. Jartylaı fınaldyq saıystardyń jerebe tartý rásimi 30 tamyzǵa belgilengen.

Fınalǵa shyǵý úshin baq synaıtyn es­ta­fe­talyq jarys 1-2 qyrkúıekke jospar­lanǵan.

Aıta keteıik, «Tank bıatlony» baı­qaýy Reseı Federasııasy Máskeý oblysy­nyń «Alabıno» polıgonynda Armııa halyq­ara­lyq oıyndary-2020 aıasynda ótip jatyr. Atalǵan baıqaý osy jyldyń 5 qyr­kúıeginde aıaqtalady.

Sanıtarlyq-epıdemııalyq jaǵdaı men elde qabyldanǵan sharalarǵa baılanysty Qazaqstan bıyl  eń kórnekti jáne bedel­di sanalatyn «Tank bıatlony» baı­qaýynda ǵana baq synaıdy. Baıqaýǵa 16 eldiń tank ekıpajdary qatysady. Onyń ishinde Abha­zııa, Ázerbaıjan, Belarýs, Vet­nam, Qazaq­stan, Qatar, Qytaı, Kongo, Qyrǵyz­stan, Laos, Mıanma, Serbııa, Tájikstan, О́zbek­stan, Ońtústik Osetııa elderi bar.

2019 jyly qazaqstandyq tankishiler úshinshi oryndy, 2018 jyly tórtinshi oryndy ıelendi.