Aımaqtar • 31 Tamyz, 2020

Aqtóbede jol-kólik oqıǵasynan 2 adam kóz jumdy

3451 ret

kórsetildi

1 mın

oqý úshin

29 tamyz kúni saǵat 02:13-te Aqshat kentiniń mańyndaǵy "Aqtóbe – Soltústik aınalma" avtojolynda adam ólimimen aıaqtalǵan jol-kólik oqıǵasy oryn aldy. Bul týraly Polisia.kz-ke silteme jasaı otyryp Egemen.kz habarlaıdy.

Aıym DÁÝIT

Aqtóbede jol-kólik oqıǵasynan 2 adam kóz jumdy

17 jastaǵy jigittiń basqarýyndaǵy "Iаmaha" markaly motosıkl júrgizýshisi Aqshat kenti jaǵynan "Aqtóbe – Soltústik aınalma" avtojolynyń 10 shaqyrymyndaǵy Soltústik aınalma kópirine qaraı kele jatyp, kólik basqarýǵa quqyǵy joq adam bola tura, kedergi nemese qaýip týyndaǵan kezde kedergini qaýipsiz aınalyp ótý úshin jyldamdyqty tómendetý sharalaryn qoldanbaǵan saldarynan atty qaǵyp ketken.

Jol-kólik oqıǵasy nátıjesinde kámeletke tolmaǵan júrgizýshi men 18 jastaǵy jolaýshy qyz bala alǵan jaraqatynan esin jımastan, oqıǵa ornynda kóz jumdy.

Osyǵan baılanysty oblystyń PD qaıtys bolǵan balalardyń ata-analaryna kóńil aıta otyryp, ata-analaryna (zańdy ókilderine) kámeletke tolmaǵandardyń kólik quraldaryn júrgizýshi kýáliginsiz basqarýyna jol bermeýge jáne balalardyń túngi ýaqytta bolýyn baqylaýǵa alýǵa keńes beredi.