Aýdanǵa jumys sapary barysynda oblys ákimi О́mirzaq Shókeev О́rgebas aýylynyń Qasym Amanjolov atyndaǵy jalpy orta mektebinde boldy. Atalmysh bilim oshaǵynda 300-ge jýyq oqýshy, al Fırdoýsı atyndaǵy orta mektepte 700-den astam bala oqıdy. Onyń ishinde az qamtamasyz etilgen otbasy balalary kompıýterlik tehnıkalar jáne planshettermen qamtamasyz etilgen. Bilim uıalary ınternet júıesimen tolyq qamtylǵan. Jalpy, respýblıkalyq rezervten bólingen qarajatqa Maqtaaral aýdanyndaǵy oqýshylar úshin 4900 kompıýterlik tehnıka taratylady. Sapar barysynda О́mirzaq Estaıuly balalardyń sapaly bilim alýy úshin barlyq jaǵdaı jasalýy qajettigin aıtty.
Sondaı-aq oblys ákimi aýdandaǵy qurylys jumystarymen tanysty. Aýyl turǵyndarymen kezdesip, talap - tilegin tyńdady. Árbir úıdiń qurylys sapasyn jiti tekserip, tasqyn sýdan zardap shekken eldi mekenderdi qalpyna keltirý jumystaryn baqylady. Sý basqan aýyldardyń turǵyndary búginde qurylys jumystaryna qarastyrylǵan kezekti transh qarjylaryn alǵan. Myrzakenttegi jańa shaǵyn aýdanda salynyp jatqan 200 baspananyń qurylysy tolyq aıaqtalǵan. Sonymen qatar Fırdoýsı eldi mekeninde 53 úı, О́rgebas aýylynda 39 úı paıdalanýǵa berýge daıyn. Qurylys jumystary toqtaýsyz júrýde.
