Qazaqstan • 01 Qyrkúıek, 2020

Onjyldyqtyń basty trendteri

18 ret kórsetildi

Qazaqstanda forsaıt sessııalary aıaqtaldy. Sarapshylar qazaqstandyqtardyń qazirgi basty trendterin zerttep, úsh baǵyt boıynsha 2030 jylǵa deıingi ssenarıin usyndy.

Forsaıt sessııalary úsh taqyryp boıynsha ótti: «Bo­lashaqtaǵy qazaq­stan­dyq­tyń beınesin qalyptas­ty­rý», «Inklıýzıvti kózqaras pen ınklıýzıvti qoǵamdy qurý» jáne «Halyqaralyq arena­daǵy Qazaqstan». Zertteý ju­mystaryna otandyq jáne shet­eldik sarapshylar tartyldy.

Pandemııaǵa baılanysty forsaıt onlaın formatta ótti. Alaıda «Rýhanı jańǵyrý» qazaqstandyq qoǵamdyq damý ınstıtýty» ortalyǵynyń je­tekshisi Janar Býkanovanyń aıtýynsha, munyń da óz erek­shelikteri bar.

– Bul forsaıttyń qyzyǵy da, derbestigi de qoǵam sanasyn jańǵyrtýǵa arnalǵandyǵynda, – dedi Janar Býkanova. – О́ıtkeni, bul jyldam ózgerip turatyn sala. Forsaıt tehnologııalary bolashaqtyń kelbetin naqty anyqtaýǵa kómektesip, tıimdi nátıjelerge jetý joldaryn jeńildete­di. О́kinishke qaraı, bul qu­ral óziniń tıimdiligin dálel­dep qoıǵanyna qaramastan ǵalym­dar mundaı zertteýlerge kóp júgine bermeıdi. Búginde biz­diń zertteýlermen qatar forsaıt «Jańa mamandyqtar atlasy» jobasynyń aıasynda júzege asyp, jaqsy nátıjesin berýde. Jalpy, forsaıt zııat­kerlik tehnologııa retinde zert­teýshilerge jańa formattardy qoldaný arqyly jarqyn bolashaqqa qol jetkizýge jol ashady. Aldaǵy ýaqytta bul for­­saıttyń qorytyndysy jańa ǵylymı zertteýlerge ne­giz bolady.

Zertteý barysynda sarap­shylar qoǵamnyń damý ss­ena­rıin úsh kezeńge bólip qaras­tyrdy. Jaqyn kezeń 2025 jylǵa deıin, orta kezeń 2030 jylǵa deıin jáne alys qashyq – 2050 jyl. Sarapshylar bola­shaqtyń qoǵamyn túzý ba­ry­synda búginginiń túrli trendterin tizip ótip, pessımıs­tik, realıstik jáne optımıstik ssenarıılerin jasady.

Jalpy, sarapshylar­dyń aıtýynsha, búgingi qoǵam sport­qa qushtar, zamanaýı tehnologııany jetik meńgergen jáne ózgeristerge beıim jas­tardan quralǵan. Máselen, «Global Futures Kazakhstan» JShS-niń uıymdyq damý jónindegi sarapshysy Oleg Mesıktiń aıtýynsha, búgingi qalyptasqan trendterdiń paıdalysy da kóp, qaýiptisi de bar.

– Búgingi trendterdiń bir­qatary patrıotızmmen baılanysty. Otansúıgish qazaq­standyqtar qalyptasyp kele­di. Qaı jerde júrse de álem­ge tanymal otandastarymen maq­tanatyn, ultyn súıip, rámiz­derin qadirleıtin jastar kóp. Sondaı-aq bilim berý jú­ıesinde de jańa ózgerister bar. Standartty bilim berý jú­ıesi eskirip, búginde jeke baǵ­dar­lama boıynsha ilim izde­gen qazaqstandyqtar sany artyp keledi. Bul jaqsy úrdis, – dedi Oleg Mesık.

Aıta keteıik, forsaıt «Rýhanı jańǵyrý» qazaq­stan­­dyq qoǵamdyq damý ıns­tı­­tý­ty­nyń» qolǵa alýymen uıym­­­dastyryldy. Zertteý qory­­tyndysy boıynsha qazaq­stan­dyq qoǵamnyń damýynyń 2030 jyl­ǵa deıingi «jol kartasy» jasalyp, naqty qadamdar qol­ǵa alynady.

 

Sońǵy jańalyqtar

Uqsas jańalyqtar