Qyrkúıektiń ortasyna deıin tolyq qamtylady

Bıylǵy oqý jylynda oń­tústik astanada 193 kezekshi top ashylsa, onda 1977 oqýshy bilim alýda. Mektepter dezınfek­sııalaıtyn ári sanıtarlyq qaýip­sizdik quraldarymen qamtamasyz etilip, saqtyq sharalarymen to­lyq qamtamasyz etilgen. Desek te, bilim alýshylardy tolǵandyryp otyrǵan basty másele – ınternet jelilerdiń jumysy.

Balalary birinshi synypqa barǵan ata-analarmen áńgime­mizde qoǵamnyń sıfrlandyrý baǵdarlamasy tek mektep oqý­shylary men stýdentterdi ǵana qamtyp qoımaı, eresekterge de arnalǵan arnaıy baǵdar­lamanyń qajettiligi men gadjet, smartfondar tilin meńgerýde jeńildetilgen jedel onlaın kýrs­tardyń, tetikterdiń qol­je­timdi bolýyna meńzeıdi.

Memleket basshysy Q.Toqaev bıylǵy Joldaýynda qashyqtan oqytý isin uıymdastyrýda Úkimettiń jibergen qatelikterine toqtala kele, áli kúnge deıin naqty bir onlaın-platforma joqtyǵyn nazarǵa alǵan bolatyn. Memleket basshysynyń bul máseleni atap ótýi jalpy qoǵam­daǵy sıfrly damý tetik­teriniń kópshilikke qoljetim­sizdigin kórsetse kerek. Joldaýda qalyptasqan dástúrli oqytý ádisine qaıta kóshýdiń tártibi de nazarǵa alynǵan bolatyn. Osy oraıda Almatyda 2020-2021 jyldary 16 jańa mektep jáne 23 qosalqy nysan salý jos­parlanǵan, munda shamamen 47,5 myń oryn qarastyrylǵan. Bıylǵy oqý jylynda Áýezov aýda­nynyń «Mamyr» shaǵyn aýdanynda 1200 orynǵa arnal­ǵan №202 mektep-gımnazııa já­ne Túrksib aýdanynyń «Nur­shash­qan» shaǵyn aýdanynda 600 orynǵa arnalǵan №203 jalpy bilim beretin mektep ashyldy.

Búginde Almaty aglomera­sııasynyń keńeıýine baılanys­ty ári demografııalyq ahýal­dyń jaqsarýynan qala halqy jylyna orta eseppen 12 myńǵa artyp keledi. О́tken oqý jylynda oqýshylardyń jalpy sany 17 myńnan astam balaǵa ósse, aǵymdaǵy kezeńde oqýshy orny­nyń tapshylyǵy 30 myńdy quraǵan bolatyn. Qalada «Ju­mys­pen qamtýdyń jol kartasy – 2020» baǵdarlamasy boıynsha

13 200 oryndy toǵyz mektep, mektepter janynan 6550 oryndy 13 qosalqy nysan, al memlekettik jekemenshik áriptestik aıasynda 5700 oryndy bes mektep salý jos­parlanǵan-dy. Osylaısha, 2021 jyldyń sońyna deıin oryn tapshylyǵyn 83 paıyzǵa deıin qysqartýǵa ýáde etken qala basshysy sonymen qatar az qamtylǵan otbasylardaǵy ba­lalardy kompıýterlik tehnıkamen qamtamasyz etýge kóńil bólingenin aıtqan bolatyn.

Qala mektepteriniń jańa oqý jylyna daıyndyǵy týraly onlaın brıfıngtegi aqparatynda Bilim basqarmasynyń basshysy L.Jylqybaeva tehnıkalyq dıagnostıkalaý qorytyndysy boıynsha ınternet jáne uıaly baılanys deńgeıi tómen 169 núkte anyqtalǵanyn atap ótken edi. Búgingi tańda onyń 141-inde jumystar aıaqtalǵan. Sonymen birge qańtar aıynan búginge deıin mobıldi baılanys operatorlary qala boıynsha bazalyq bolyp sanalǵan stansalar negi­zinde 164 núkteni jańartty. Tıis­ti mekeme basshysynyń aıtýynsha, osylaısha, qabyldanǵan sharalar sapaly jáne úzbeı qashyqtyqtan oqytýda qajetti jyldamdyqty arttyryp otyr ári ınternetke qosylýǵa muqtaj 22 myńnan astam oqýshyǵa arnap SIM-kartalar men roýterler satyp alynǵan. Munymen qosa oqýshylardy oqý materıaldarymen júz paıyzǵa deıin qamtamasyz etý jumystary jalǵasyn tabýda. Al qashyqtyqtan oqytýǵa ju­myldyrylǵan muǵalimder quramy Bilimland.kz, Opiq.kz, Kundelik.kz, Microsoft.Teams sııaq­ty sıfrly saýattylyqtyń tıisti kýrstarynan ótken. Sondaı-aq 1-11-synyp oqýshylarynyń qashyqtan oqýy úshin vıdeo­sa­baqtardy daıyn­daýda da tıis­ti jumystar jolǵa qo­ıyl­­ǵan. Osy baǵytta 400-den astam beı­nesabaq túsirilgen. Al qa­shyqtan oqytýǵa tehnıkalyq da­ıyndyqty qamtamasyz etýde 75 myńnan astam bala jáne 2,2 myń mektep muǵalimderi kompıý­termen qamtamasyz etiledi. Qazir tehnıkanyń tórtten biri qolǵa tıdi. Al aǵymdaǵy jyldyń 15 qyrkúıegine deıin mektepter kompıýterlik quraldarmen tolyq qamtamasyz etilmek.

ALMATY