Mınıstrdiń habarlaýynsha, búgingi tańda «О́nerkásiptik saıasat týraly» Zań jobasy tujyrymdamasynyń jobasy ázirlenýde. Jobany salalyq qaýymdastyqtar, ónerkásiptik kásiporyndar jáne múddeli memlekettik organdar talqylap jatyr.
Zań jobasynda qoldaý sharalaryn keńeıtý, memlekettik, kvazımemlekettik sektorlar men jer qoınaýyn paıdalanýshylar tarapynan kepildi satyp alýdy júzege asyrý sharalary kózdelgen. Tujyrymdama jyl sońyna deıin qabyldanady. Mınıstrlik retteletin satyp alýlardaǵy jergilikti qamtýdy damytýǵa jáne memlekettik organdar, ulttyq kompanııalar men holdıngterdiń birinshi basshylary men orynbasarlarynyń jaýapkershiligin kúsheıtýge baǵyttalǵan normatıvtik quqyqtyq aktilerge ózgerister toptamasyn ázirleıdi. Qara jáne tústi metallýrgııanyń, avtomobıl jáne mashına jasaýdyń jańa bólinisterin damytý boıynsha usynystar ázirleýde otandyq shıkizatty qaıta óńdeýdi tereńdetý jumystary ári qaraı júrgiziledi. Áleýet $35 mlrd asady. Metallýrgııa ónerkásibinde otandyq shıkizat negizinde joǵary bólinisti ónimder óndirisin damytýǵa basa nazar aýdarylady.
Otandyq kásiporyndardy tıimdi baǵalarmen qajetti kólemde qamtamasyz etý tetigin ázirleı otyryp, shıkizatqa jyl saıynǵy qajettilikti qalyptastyrý josparlanyp otyr. B. Atamqulov atap ótkendeı, kezekte turǵan azamattardyń baspana máselesin tezirek sheshý úshin «Nurly jer» baǵdarlamasynda jeke turǵyn úı qorynan jaldaý aqysyn sýbsıdııalaý tetigin qarastyrý usynylady. Bul úshin «Nurly jer» baǵdarlamasy aıasynda jaldamaly turǵyn úı qurylysyna qarastyrylǵan qarajatty qaıta baǵyttaý usynylady. Shamamen 100 myń azamatqa qoldaý kórsetiledi. Atalǵan tetik «Otbasy banki» arqyly júzege asyrylady.
Sonymen qatar jeke qurylys salýdy yntalandyrý úshin «Nurly jer» baǵdarlamasy aıasynda azamattarǵa jeke qurylys salýǵa bólinetin 40 myń jer ýchaskesine kommýnıkasııalar tartylady. Elimizde 6,3 myń aýyl bolsa, sonyń 3,5 myńy perspektıvalyq sanalady. «Nurly jer» baǵdarlamasy aıasynda óz qarajatyna tıptik jobamen baspana turǵyzatyn aýyldardaǵy jumys berýshiniń shyǵyndaryn sýbsıdııalaý tetigi ázirlenedi. Mınıstrlik úıdiń belgilengen qunynyń bir bóligin sýbsıdııalaý tetigin ázirleıdi», — dedi vedomstvo basshysy.
Turǵyn úı-kommýnaldyq sharýashylyq máseleleri boıynsha qabyldanǵan Zań aıasynda múlik ıeleriniń birlestigi ınstıtýty engiziledi. Barlyq qajetti normatıvtik-quqyqtyq aktiler qabyldanǵan. Qazirgi ýaqytta turǵyn úı ıeleri múlik ıeleriniń birlestikterin qurý jáne tirkeý boıynsha tıisti jumystardy jasap jatyr. Qazaqstannyń tranzıttik kóshbasshylyǵyn nyǵaıtý maqsatynda «Nurly jol» baǵdarlamasy aıasynda tranzıttik servıs sapasyn jáne jyldamdyqty arttyrý úshin elimiz arqyly ótetin temirjol tranzıti dáliziniń ınfraqurylymyn ári qaraı damytý, sondaı-aq osal tustaryn joıý kózdelgen.
«2020 jylǵa deıin respýblıkalyq jelidegi avtojoldardyń 13 myń shaqyrymy qaıta jańǵyrtyldy. “Nurly jol” baǵdarlamasy aıasynda 11 myń shaqyrym jol salynady jáne qaıta jańǵyrtylady. Onyń ishinde respýblıkalyq jelidegi 4 myń shaqyrym jolda bıyl jumystar júrgizilip jatyr. Osylaısha, 2025 jylǵa deıin respýblıkalyq jelidegi avtojoldardyń barlyǵynyń jaǵdaıy jaqsarady», — dedi mınıstr.
2025 jylǵa deıin uzyndyǵy 24 myń shaqyrymdy quraıtyn respýblıkalyq jelidegi avtojoldar boıyndaǵy qyzmet kórsetetin obektiler halyqaralyq standarttarǵa saı bolady. Bul jumys jergilikti atqarýshy organdarymen jáne bıznes ókilderimen birge júrgiziledi.
