OBLYS JASTARY BAS QOSTY

Oral qalasynda “El ynty­maq­tastyǵy – kemel bolashaqtyń arqaýy” degen taqyrypta oblys jastarynyń forýmy boldy. Jıyndy ashqan oblys ákiminiń orynbasary Serik Súleımen jastardyń elimizdiń saıası ómirine belsene qatysyp kele jatqanyn, olardyń memlekettik qurylym­dar­men yntymaqtastyǵynyń mańyzy zor ekenin atap ótti. San etnos ókilderi tatý-tátti turyp jatqan Qazaqstan búginde EQYU-ǵa tóraǵalyq etýde. Forýmǵa 150-deı delegat qaty­syp, óz pikirlerin ortaǵa saldy. Atqarylǵan jumystardy qory­tyn­­dylap, alda turǵan mindetterdi belgiledi. Jıyn barysynda túrli atalymdar boıynsha úzdik jobalar anyqtaldy. Atap aıtqanda, “Otan­súıgishtik jáne toleranttylyq” taqy­rybynda Bókeı ordasy aýdan­dyq “Naryn jastary” qoǵamdyq birlestigi tóraǵasynyń oryn­basary Aıbolat Qurymbaev pen Oral qalasyndaǵy №17 orta mekteptiń 11-synyp oqýshysy Narmına Abdýrahmanova, “Kósh­basshylyq” boıynsha Eńbek jáne áleýmettik qatynastar akademııa­synyń stýdenti Lılııa Kýjaeva, “Máde­nıet jáne salt-dástúr” boıynsha Terekti aýdany Novopav­lov aýyl­dyq okrýginiń jastar jetekshisi Ásel Jaqasova, “Sala­mat­ty ómir salty” boıynsha Batys Qazaqstan ınjenerlik-tehnologııa­lyq ýnıver­sıtetiniń stýdenti Indıra Ádıeva­nyń jumystary úzdik dep tanyldy. Jeńimpazdar dıplomdarmen, baǵaly syılyqtarmen marapat­talyp, forým sońy óńirdegi etno­mádenı ortalyqtardyń shyǵarma­shy­lyq ujymdary qoıǵan dostyq festıvaline ulasty. Temir QUSAIYN, Batys Qazaqstan oblysy