О́tken jyly "JasylAlmaty" kógaldandyrý naýqanynyń bastalǵany belgili, onyń aıasynda "mıllıon" aǵash otyrǵyzý mindeti qoıylǵan bolatyn. Eń aldymen, jasyldandyrý Jańa Almatynyń eldi mekenderinde - Alataý jáne Naýryzbaı aýdandarynda bastaldy.
Kúzgi maýsymda 250 myńǵa jýyq jasyl jelek otyrǵyzý josparlanǵan. Aǵash otyrǵyzylatyn aýmaqtyń jalpy kólemi 452,6 gektardy quraıdy. Qala bólgen qarajat esebinen 222 myń aǵash kóshetin otyrǵyzý josparlanǵan, onyń 218 myńy japyraqty jáne 4 myńy qylqan japyraqty. (Alataý aýdany - 176 myń, Naýryzbaı - 5,5 myń, Túrksib - 40 myń aǵash).
Dendrolog, agronom, pıtomnık sarapshylarmen birge aǵash otyrǵyzylatyn alańdary talqylandy, tuqym quramy jasaldy. Aǵash otyrǵyzý aǵymdaǵy jyldyń qyrkúıek aıynyń sońynan qarashanyń ortasyna deıin júzege asyrylady.
B. Saǵyntaev 2030 jylǵa deıingi Almatyny jasyldandyrý strategııasyn ázirlenýi týraly habarlady, onyń aıasynda 10 jylǵa arnalǵan Dendrologııalyq jasyldandyrý jospary qabyldanady. Munda bolashaqta aǵash otyrǵyzylatyn oryndar, jańa jasyl aımaqtar (qudyqtar, sýarmaly aryqtar), sýarý ózenderi men sýarý túrleri anyqtalady, aǵashtar men butalardyń túrleri kórsetiledi.
Jalpy, Almatyda 2,352 mıllıonǵa jýyq aǵash bar, biraq olardyń tek 1,8 mıllıony ǵana zııan shekpegen nemese 76,5 paıyz. Salystyrmaly turǵyda qaladaǵy eń jasyl aımaq - Medeý aýdany, munda 472 myńnan astam aǵash bar. Al Naýryzbaı men Alataý aýdandarynda - sáıkesinshe 202 myń jáne 179 myń aǵashtar. Jasyldandyrý boıynsha ekinshi orynda Túrksib aýdany tur, mundaǵy aǵash sany - 431,5 myń. Bostandyq aýdany alǵashqy úshtikti jabady - shamamen 380 myń aǵash bar. Áýezov aýdanyndaǵy aǵash sany 255 myńǵa jýyq, Jetisýda 220 myń, Almalyda 213 myń aǵash bar.
Alataý aýdandaǵy Qarasý yqshamaýdanyndaǵy osy attas ózen boıyna úlken saıabaq aýmaǵy salynýda. О́zenniń bir jaǵalaýyna jaıaý júrginshi aımaǵy jasalyp, oryndyqtar qoıylady, al bos jatqan jer men burynǵy mádenıet úıiniń ornynda rekreasııalyq aımaq boı kóteredi. Qoǵamdyq aımaqta eki jazǵy amfıteatr, oıyn alańy, trotýar jáne serýendeıtin bóligi bar demalys aımaǵy bolady. Yqshamaýdannyń týra ortasynda fýtbol oınaıtyn sport alańy salynady. Bul keńistikterdiń barlyǵy jaıaý júrginshi joldaryna, sondaı-aq shirkeý jáne ózen boıyndaǵy jaǵajaıǵa jalǵasady.
Aıta keterligi, ónerkásiptik Jetisý aýdanynda qoǵamdyq keńistiktiń tapshylyǵy ózekti máselelerdiń biri bolatyn. Bıyl jasyldandyrý boıynsha aýqymdy jumystar júrgizilýde. Aýdannyń barlyq shaǵyn eldi mekenderinde 12 alań abattandyryldy, onyń úsheýi daıyn, qalǵandary qyrkúıek aıynda paıdalanýǵa beriledi.
