Sondaı-aq, Almaty qalasy ákiminiń tapsyrmasy boıynsha keler jyly Alataý jáne Naýryzbaı aýdandarynda Oqýshylar saraılarynyń qurylysyn bastaý josparlanǵan. Alataý aýdanynda 5 sporttyq-saýyqtyrý kesheni, tennıs ortalyǵyn salynady. Jetisý aýdanynda shyǵys jekpe-jeginiń 4 sport kesheni salyndy, onda balalar tegin jattyǵýlar jasaıdy. Sonymen qatar, MJÁ aıasynda jeke ınvestısııalar esebinen 12 mekteptiń sport alańdary qaıta jańǵyrtyldy. Mádenıet salasynda Ortalyqtandyrylǵan kitaphana júıesiniń 10 salalyq kitaphanasy jańardy.
"Mektepterde jumys qalpyna keltirilgennen keıin 9560 túrli úıirmeler men sporttyq seksııalar jumys isteıdi, olar 200 myńnan astam balany qamtıdy. Balalardyń qol jetimdi qosymsha bilim alýy úshin memlekettik tapsyrysty tek mektepter ǵana emes, sonymen qatar jeke sektorlarda da alatyn bolady", dedi B.Saǵyntaev.
Qala turǵyndarynyń suraqtaryna jaýap bere otyryp, qala ákimi Jetisý aýdany Aınabulaq-2 eldi mekenindegi "Shyńǵa О́rleý" áleýmettik klýbynyń jobasy týraly aıtty. Bul jobanyń aýqymy keńeıtilip, basqa aýdandarda osyndaı taǵy úsh klýb ashylady.
