Búgin Nur-Sultanda elorda ákiminiń orynbasary Baqtııar Mákenniń qatysýymen Bilim All mektep oqýshylaryn daıarlaýǵa arnalǵan jańa az qamtylǵan otbasy balalaryna arnalǵan bilim berý ortalyǵynyń ashylýy ótti.
B.Máken turǵyndardyń áleýmettik bastamalaryn júzege asyrý mańyzdy ekenin atap ótip, ortalyq ujymynyń jumysyna sáttilik tiledi.
Ortalyqta az qamtylǵan, kópbalaly jáne qoldaýǵa muqtaj tolyq emes otbasylardyń oqýshylary ár túrli kýrstarda qosymsha oqýdan aqysyz óte alady. Ortalyqta kúndizgi toptar, orys, qazaq, aǵylshyn jáne arab tilderi, matematıka kýrstary, shahmat úıirmesi, óner sheberhanasy, gıtara jáne dombyra synyptary bar.
"Birinshi maqsatymyz – balalarǵa zaman talabyna saı qol jetimdi bilim berý. Biz Qazaqstan Respýblıkasy Prezıdentiniń Joldaýyn, atap aıtqanda qosymsha bilim berý aıasyn keńeıtý týraly usynysyn tolyǵymen qoldaımyz, bul jumyspen bizdiń ortalyq tikeleı aınalysady", – deıdi ortalyq jetekshisi Raıgúl Serikbaeva.
Munda barlyǵy 300-ge jýyq bala oqı alady. Oqý ortalyǵy Strong Mothers Ns qoǵamdyq qory men Nur-Sultan qalalyq ákimdiginiń qoldaýymen ashyldy.
"Munda óte qyzyq. Muǵalimder sabaqty jaqsy túsindiredi", – deıdi 7-synyp oqýshysy Fatıma Sharapatova.
"Ortalyqtyń ashylýyn óte uzaq kúttik. Osy kýrstarǵa barýǵa múmkindik bergen Strong Mothers qoǵamdyq qoryna rızashylyǵymdy bildirgim keledi. Qyzym osynda aǵylshyn kýrsyna barady. Alǵashqy kúnderden-aq jaqsy nátıje kórsetýde, mektepke daıyndalyp jatqan ulymdy da osynda ákelemin", – deıdi oqýshylardyń anasy Anel.
Aıta keteıik, kópbalaly analar aqysyz negizde kompıýterlik saýattylyq boıynsha qosymsha kýrstardan óte alady. Qazirgi ýaqytta ortalyqta jıyrmaǵa jýyq ana bilim alýda.
"О́zim kópbalaly ana retinde osynda kompıýterlik saýattylyǵymdy arttyryp, biraz nátıjege qol jetkizdim. Ortalyqty ashýǵa qoldaý bildirgen ákimdikke, qoǵamdyq qor múshelerine alǵys aıtamyn", – deıdi Gúlmıra esimdi kópbalaly ana.
Bilim All ortalyǵy Ýálıhanov kóshesi, 3 meken-jaıynda ornalasqan. Qazir toptarda bes baladan kóp emes. Balany tirkeý úshin keńsege kelip, qajetti qujattardy tapsyrý kerek.
