Qorǵanys mınıstriniń birinshi orynbasary – QR QK Bas shtaby bastyǵy general-leıtenant Murat Bektanovtyń basshylyǵymen jumys toby "Armııa-2020" halyqaralyq áskerı – tehnıkalyq forýmyna qatysty. Bıyl forýmnyń bastalýy Armııa halyqaralyq oıyndarynyń ashylýymen tuspa-tus keldi. Forýmǵa statıkalyq kórme ekspozısııalary, demonstrasııalyq jáne ǵylymı-iskerlik baǵdarlamalar kirdi.
Qazaqstandyq delegasııa qarý-jaraq pen áskerı tehnıkany damytýdyń negizgi baǵyttarymen tanysty. Qorǵanys-ónerkásip kesheniniń iri óndirýshi ókilderimen kezdesýler ótkizdi. Sonymen qatar, Qazaqstan tarapyna qarý-jaraq pen áskerı tehnıkanyń jekelegen úlgileri kórsetildi.
Atap aıtqanda, demonstrasııa ushqyshsyz ushý apparattaryn qoldaný salasyna qatysty boldy. Áýe barlaý keshenderi men ushqyshsyz apparattardy tabý, anyqtaý men alyp júrýdiń jeke júıelerin, ushqyshsyz ushý apparatynan qoldan jasalǵan jarylǵysh qurylǵylardy qashyqtyqtan anyqtaý keshenin, bronǵa qarsy buıymdardy usynǵan. Sonymen qatar, ınjenerlik turǵydan alǵanda, qashyqtyqtan tazartý mashınasy úlken qyzyǵýshylyq týdyrýda. Ol zymyran kesheniniń quramyna kirip onyń jaýyngerlik patrýldeý baǵytynda qaýipsizdigin qamtamasyz etedi. Bul tizimge sondaı-aq orta áýe shabýylyna qarsy qorǵanystyń sońǵy júıeleri de kirdi. Forýmǵa qatysýshylar bizdiń delegasııaǵa memlekettik basqarý organdary úshin baǵdarlamalyq-apparattyq keshenderdi, aqparattyq qaýipsizdik jáne baılanys júıelerin ázirleý, óndirý, engizý salasyndaǵy kásiporyndar múmkindikterin tanystyrdy.
